So’nggi yangiliklar

15:04"Андижон" "Сурхон"ни мағлуб этган ўйиндан ФОТОГАЛЕРЕЯ  0 14:37"Бавария" Вирцнинг трансфери барбод бўлгач, "Манчестер Юнайтед" юлдузини сотиб олмоқчи  1 14:05БАА - Ўзбекистон учрашувига чипталар қачон сотувга чиқади?  3 13:31Ансу Фати янги клубга ўтишга яқин  2 12:54"Реал" мухлислари учун хушхабар  8 12:25"Манчестер Юнайтед" "Милан" футболчисига қизиқмоқда  1 11:58Фабрицио Романо: Флориан Вирц "Ливерпуль" билан шартнома имзолади  5 11:25Де Брюйненинг эҳтимолий янги клуби маълум, у Италиядан  6 11:00Роналду ўрнини босадиган беш футболчи: янги авлод юлдузлари  19 10:45“Манчестер Сити“ АПЛдан яна бир ҳимоячи сотиб олмоқчи  3 10:18Лука Модрич фаолиятини қаерда давом эттириши мумкинлиги маълум  6 09:50Клаудио Раньери “Рома“да қолади, бироқ бошқа лавозимда  5 09:23"Ал Ҳилол" Бруну Фернандешга ўйлаш учун 72 соат берди. Саудияликлар футболчига қанча ойлик бериши маълум  5 08:54Вирц “Ливерпул“га ўтиб, тарихдаги учинчи энг қиммат трансферга айланади  7 08:26Конте тарихий натижани қайд этди  13

Maradona JCH-2010ga tushiga kirgan futbolchini olib ketgan ekan. Zanetti va Kambyasso esa mundialdan quruq qolgan Yangiliklar

Maradona JCH-2010ga tushiga kirgan futbolchini olib ketgan ekan. Zanetti va Kambyasso esa mundialdan quruq qolgan

"Rahmat, bu hayotimdagi ajoyib lahzalar bo'ldi".

Maradona 2020 yilda "Ximnasiya" bilan Argentina yuqori ligasida bir amallab jon saqlab qoldi. Ularga koronavirus yordam berdi. 10 yil avval esa u murabbiylik faoliyatidagi eng yirik sovrinni qo'lga kiritishi mumkin edi. O'shanda Diego Argentina terma jamoasi bilan JCH-2010ga yo'l olgan. Maradona har doimgidek barchani hayron qoldirgan: Rikelme bilan janjallashib qolgan, "Inter" bilan CHempionlar ligasida zafar quchgan Kambyasso va Zanettini Hatto kengaytirilgan tarkibga kiritmagan.


"Ular terma jamoa uchun eski tarix, jamoaga yangilar kerak" - degandi Maradona. Biroq JCHga boradigan tarkibga "Kolona"ning 30 yoshli himoyachisi Ariel Garse kiritildi. U deyarli Argentinadan tashqariga chiqmagan (Meksikada 11ta o'yin) va Maradonaning noodatiy uslubi ramziga aylandi. JCHga borishdan avval Garse milliy jamoa safida 4ta uchrashuv o'tkazgan: 2003 yil Marselo Belsa qo'l ostida 3ta o'rtoqlik o'yinida va Maradona jamoasida Gaitiga qarshi nazorat uchrashuvida maydonga tushgan.


Garse mavsumni 14-o'rinda yakunlagan. Mundialga muxlis sifatida bormoqchi edi, ammo Maradona qo'ng'iroq qilib, uni o'zining gladiatori deb atagan

Hikoya g'alati tuyulishi mumkin, ammo The Guardian va yana bir necha nashrning yozishicha, Garseni bir sabab tufayli jamoaga olishgan: Maradona tushida mundialda g'olib bo'lgan ekan va u eslab qolgan yagona chehra Arielniki edi. Mavsumni 14-o'rinda yakunlagan, "Kolon"ning 30 yoshli futbolchisini munidalga olib ketish uchun boshqa tuzukroq sabab ko'rsatish qiyin edi.


"Balki bu tushga bog'liqdir. Bilmasam, u menga hech narsa aytmadi" - degandi Garse. "Meni kengaytirilgan tarkibga qo'shishganida, bu kamina uchun kutilmagan voqea bo'ldi. Matbuot g'azabda edi, tanqid toshlari otilardi. Keyin murabbiy qo'ng'iroq qildi: "Salom, xitoylik (Arielning laqabi). Bu men, Diegoman". Qaltirab, terlay boshladim, chunki u bilan hech qachon gaplashmagan edim. U hech qaerga bormasligimni aytgani raqamimni terdi deb o'yladim. Ammo quyidagi gapni eshitdim: "Sen 23 nafar gladiatorlarimdan birisan".


Qiziq, Maradona qaroridan oldin Garse jahon chempionatiga muxlis sifatida bormoqchi edi. U terma jamoada bo'lishni Hatto tasavvur ham qilmagan, shu sababli mundialning bir nechta o'yini uchun chipta sotib olgan Ariel Janubiy Afrikada tatilni maza qilib o'tkazmoqchi edi.


JCH oldidan o'tkazilgan so'nggi o'rtoqlik o'yinida argentinalik muxlislar quyidagi yozuvli bannerni ilib qo'yishgandi: "Garse, bizga alfaxor olib kel". Alfaxor - tatildan sovg'a sifatida olib kelinadigan pechene.

"Odamlar nima deyishi bilan ishim yo'q. Men jahon chempionatiga bormoqchiman, bu baxtni hech kim tortib ololmaydi" - degandi Garse. Ariel turnirda xuddi ikki zaxira posboni kabi maydonga tushgani yo'q. Haqiqatdan ham uni omad uchun kelib ketishgan ko'rinadi. Faqat bu yordam bermadi: Argentina chorak finalda Germaniyaga 0:4 hisobida mag'lub bo'ldi.


O'tgan yili Garsedan, u Maradonani uchratib qolsa, nima deyishi haqida so'rashdi: "Men uni qattiq quchoqlab, shunday derdim: "Rahmat, aqldan ozgan inson, bu hayotimdagi ajoyib lahzalar bo'ldi".

Reyting: +6   

Fikrlar

championat.asia
< so’nggi yangiliklarni ko’rish
Яндекс.Метрика