Mane: "Ekvador va Qatar bizga ochko berish uchun mundialga chiqmadi"

Eslatib o'tamiz, afrikaliklar Qatar, Ekvador va Niderlandiya bilan kvartetda bir guruhdan joy olgan.

"Niderlandiya Senegal uchun eng xavfli raqibmi? Biz ularga hurmat bilan qarashimiz kerak. Niderlandiya FIFA reytingida yaxshi o'rinda. Ular juda kuchli jamoa va Jahon chempionatlarida ajoyib natijalarni qo'lga kiritgan. Biz guruhdagi boshqa jamoalarni kamsitmasligimiz lozim.

Albatta, Ekvador va Qatar bizga ochko berish uchun mundialga chiqmadi. Ekvador saralash bosqichini muvaffaqiyatli o'tkazdi va Qatar o'z maydonida kuchli raqibga aylanadi. Ular Jahon chempionatida Osiyo chempioni maqomi ostida qatnashishadi. Guruhimizdagi hech qaysi jamoani etiborsiz qoldira olmaymiz. Biz ehtiyotkor bo'lishimiz, diqqatimizni jamlashimiz va o'yindan o'yinga kuchayib borishimiz kerak", – dedi Mane.