Manchini: "92-daqiqada kiritilgan golga atab suratlar chizilsa kerak"

Italiya ushbu mag'lubiyat sabab, JCH-2022 yo'llanmasidan quruq qoldi. 

"Evro-2020 qay darajada hayotimning eng yorqin damlaridan biri bo'lgan bo'lsa, bu safargisi eng yomonlaridan biridir. Gapirishga gapim yo'q. Bu futbol va unda shunday aqlbovar qilmas vaziyatlar bo'lib turadi. 

Avvalo bunday vaziyatga tushmasligimiz kerakligini aytishim kerak. Ammo biz bugun g'alaba uchun barcha ishni qildik, bu haqida gapirish ham qiyin. 

Evrodagi g'alaba haqli ravishda qo'lga kiritilgandi, biz ajoyib o'ynadik. O'sha turnirdagi omad keyinchalik o'z o'rnini total omadsizlikka bo'shatib berdi. Sentyabr oyidan buyon aqlga sig'maydigan ishlar bo'lib ketdi. 

Guruhda etakchilik qilgandik. Barchasi yaxshi bo'lishi uchun shunchaki birgina vaziyatdan foydalansak etarli edi, ammo yo'q. 92-daqiqada kiritilgan golga atab suratlar chizilsa kerak degan sezgi bor. Bizda ajoyib jamoa bor, ammo afsusdaman. 

SHuni aytishim kerakki, iyulga qaraganda hozir yigitlar uchun ko'proq qayg'urmoqdaman. Hozir qiyin vaziyat va bunga mening aloqam ham katta. Endi nima bo'lishi haqida gapirishga hali erta, ammo shunda ham bu buyuk va yorqin kelajakka ega futbolchilardir", - dedi Italiya terma jamoasi ustozi.