"Man Siti" Rodrigo Rikelmega qiziqmoqda. "Atletiko" vingerni 30 mln evrodan kamiga sotmaydi

23 yoshli futbolchi "shaharliklar" va La Liganing bir qator klublari qiziqishiga sabab bo'lmoqda. "Atletiko" ularga futbolchini 30 million evrodan kamiga sotmasligini xabar qildi. "Siti"ning boshlang'ich taklifi 15 mln evrodan oshmadi.

Qayd etilishicha, Rikelme "Atletiko"da qolishni xohlaydi, ammo uning kelajagi Diego Simeonega bog'liq – murabbiy o'yinchi uning o'yin tizimining bir qismi bo'la oladimi yoki yo'q, shuni aniqlab olishi kerak.

SHuningdek, klubning transferlari muhim faktor bo'ladi: agar madridliklar yarim himoyachilardan hech kimni sotmasa, Rikelmega asosiy tarkibga kirish qiyin bo'ladi.

Rikelme o'tgan mavsumni "Jirona"da ijara asosida o'tkazdi. U La Liga doirasidagi 34ta o'yinda 4ta gol va 4ta assist qayd etdi.