Madridda parijlik "boyvachchalar" "qirollar" bilan uchrashishadi, "Dragau"da esa tajovuzkor futbol
14 fev 2018 18:09
Yangiliklar

Madridda parijlik "boyvachchalar" "qirollar" bilan uchrashishadi, "Dragau"da esa tajovuzkor futbol

Evropa chempionlar ligasining nimchorak final doirasidagi yana ikkita bellashuvi bo'lib o'tadi.

Asosiy uchrashuv Madridda o'tadigan bo'lsa, "Dragau"dagi to'qnashuv ham neytral futbol ihlosmandlariga ajoyib futbol tomoshasini taqdim etib berishiga shubha yo'q.

FC Porto

Champions League Final Stage . 1/8-tur

15/02/2018, 00:45

Tugadi

Liverpool

Sadio Mane - 25', Mohamed Salah - 29', Sadio Mane - 53', Roberto Firmino - 69', Sadio Mane - 85'

Stadion: Estadio do Dragao, 47718 tomoshabin

Bosh hakam: Daniele Orsato

45'

90'

Match-senterda ochish

Evropa chempionlar ligasining sobiq chempionlarining o'zaro qarama-qarshiligi ancha qiziqarli o'tishi tabiiy. Bu ikkala jamoalar muxlislarga yoqadigan futbol namoyish etishadi. "Portu" o'z uyidagi uchrashuvlarda ancha ishonchli o'ynaydi. Serjiu Konseysau boshchiligida jamoa barcha turnirlarda 24 uchrashuvdan buyon mag'lubiyat nimaligini bilmay kelmoqda. Jamoaning ichki chempionatdagi ishlari ham ko'ngildagidek kechmoqda. "Ajdarlar" ayni paytda o'zlarining yuqori sport formasida. Konseysau shogirdlari tajovuzkor futbol namoyish etishni o'zlashtirishgan.

"Portu"ning raqibi esa o'ziga o'xshagan tajovuzkor futbolni xush ko'ruvchi "Liverpul". Yurgen Klopp har qanday sharoitda o'zining uslubidan voz kechmaydi. "Liverpul"ning APLdagi ishlari yaxshi ketmoqda. Lekin "qizillar"ning chempionlik uchun imkoniyatlari deyarli qolmagan. SHu boisdan ham Klopp bor etiborini ECHLdagi bahslarga qaratadi. "Liverpul" joriy mavsumda Evropa chempionlar ligasida o'zgacha ishtiyoq bilan o'ynamoqda. Jamoa guruh bosqichida fantastik sermaxsullikni namoyish etdi. Yurgen Klopp bugungi Portugaliyada kechadigan o'yinda ham Klopp Konseysauga hujumkor va tajovuzkor futbol taklif etishiga shubha yo'q.

Real Madrid

Cristiano Ronaldo - 45', Cristiano Ronaldo - 83', Marcelo - 86'

Champions League Final Stage . 1/8-tur

15/02/2018, 00:45

Tugadi

Paris Saint-Germain

Adrien Rabiot - 33'

Stadion: Estadio Santiago Bernabeu, 78158 tomoshabin

Bosh hakam: Gianluca Rocchi

45'

90'

Match-senterda ochish

Kunning yoki tunning eng muhim va uzoq kutilgan to'qnashuvi Madriddagi "Santyago Bernabeu" stadionida bo'lib o'tadi. "Real" yozdagi transferlari bilan butun dunyoga shovqin solgan PSJga qarshi. Muxlislar Evropa chempionlar ligasining nimchorak finalidayoq katta o'yin guvohiga aylanishadi. Neymar etakchiligidagi parijliklar Madridda ECHLning amaldagi sohiblariga qanday qarshilik ko'rsatishlari qiziq.

"Real"ning La Ligadagi tushunarsiz ishtiroki va jamoadagi tushunarsiz kayfiyat bu o'yinga tasir ko'rsatishi mumkin. Ayni paytda "Real" PSJga nisbatan tushkun kayfiyatda. Madridliklar uzoq yillardan buyon ilk bor joriy mavsumda ECHL g'olibligi uchun favoritlar qatoridan tushib qolishmoqda. Lekin "Real"ning evropa maydonlaridagi boy tajribasini unutmagan maqul. La Ligadagi muvaffaqiyatsiz o'tayotgan mavsum tufayli Zidan yana bor etiborini ECHLga qaratishiga to'g'ri keladi. O'z-o'zidan Evropa chempionlar ligasida ketma-ket g'olib bo'lib, bu borada xet-trik qayd etish "Real"ning joriy mavsumdagi asosiy maqsadiga aylanadi.

PSJning oliy maqsadi Evropada toj kiyish. Ular uchun ichki chempionatdagi muvaffaqiyat qoniqarli bo'lmaydi. PSJ qanchalik katta transferlarga qo'l urmasin, ketma-ket Franciyada tengsiz bo'lmasin, baribir hali jahon miqiyosidagi top jamoaga aylangani yo'q. Buning uchun ulardan ECHLda chinakamiga natija ko'rsatish talab etiladi. PSJ ayni paytda Franciyaning grand jamoasi. Evropa grandiga aylanish uchun esa jamoa bu kabi katta o'yinlarda muvaffaqiyat qozonishi va ECHL g'olibligini qo'lga kiritishi lozim.

PSJning ishongan "uchligi"

Bunga PSJ qanchalik tayyor ekanini bugungi Madriddagi bahsda qisman ko'rishimiz mumkin bo'ladi. "Real" qanchalik tushkun kayfiyatda bo'lmasin yoki PSJ ayni payt qanchalik yirtqich ko'rinsada, bu kabi katta afishali uchrashuvlarda ushbu jihatlar ikkinchi darajaga tushib qoladi. O'yin statusi va ahamiyati har qanday holatdagi futbolchilarni uyg'ota olishga qodir. Bunaqangi uchrashuvlar uchun ortiqcha motivaciya shart emas. To'qnashuvning afishasini o'ziyoq futbolchilar uchun ulkan motivaciya beradi.

"Real" - PSJ qarama-qarshiligida jamoalar yo'l qo'yishi mumkin bo'lgan kichik xatolar qimmatga tushadi. Zidan yoki Emeri jamoasini aynan shu kabi xatolarga yo'l qo'ymasliklari uchun kerakli darajada tayyorlay olishlariga ko'p narsa bog'liq.

Qisqa qilib aytganda, dahshatli to'qnashuvni ilk seansi bugun tunda, Madriddagi "Santyago Bernabeu" stadionida qo'yiladi. Keyingi hal qiluvchi seans esa Parijda namoyish etiladi.