Madrid derbisida kuchlar teng keldi: "Atletiko" - "Real" 2:2

Ushbu sahifada o'yinning matnli translyaciyasi olib borildi.

Atletiko – Real Madrid 2:2
2 mart, 21.00, Visente Kalderon
Gollar: 0:1 – 3 Benzema,  1:1 – 28 Koke,  2:1 – 45 Gabi,  2:2 – 82 Ronaldu.
Atletiko – Kurtua, Xuanfran, Miranda, Godin, Filipe Luis, M. Suares, Gabi, Koke, R. Garsiya, Turan (K. Rodriges, 83), Kosta.
Real Madrid – Diego Lopes, Arbeloa (Karvaxal, 71), Pepe, Ramos, Koentrau (Marselo, 59), Alonso, Modrich, Di Mariya (Isko, 72), Beyl, Benzema, Ronaldu.
Ogohlantirishlar: Turan (11), Godin (39), Pepe (39), Kosta (64), Arbeloa (67).

                                 MATNLI TRANSLYACIYA
                                              YANGILASH

90+3 daqiqa. Uchrashuv tugadi. Madrid derbisida 2:2 hisobi qayd etildi. Jamoalarga bugungi o'yin uchun rahmat aytamiz. Bizni kuzatib borganlarga rahmat.
90 daqiqa. O'yinga 3 daqiqa qo'shib berildi
87 daqiqa. Beylning telbanamo pasidan so'ng Benzema darvozaga zarba berdi, to'p darvozadan o'rin olmadi. Qanot hakami bu vaziyatda franciyalik hujumchi o'yindan tashqari holatda qolganini ko'rsatdi. Takroriy vaziyat esa bunday bo'lmaganini ko'rsatib berdi
85 daqiqa. Zarba! Luka Modrichning jarima maydoni tashqarisidan yo'llagan zarbasi darvoza yuqorisidan o'tib ketdi.
84 daqiqa. Xavfli vaziyat! Karvaxal to'pni darvozabonga oshirdi, kutilmaganda to'pni raqib hujumchisi egallab oldi. Diego Kostaning zarbasi Pepega tegib yo'nalishini o'zgartirdi va darvozaga bormadi
83 daqiqa. O'zgarish. "Atletiko". Turan o'rniga Kristian Rodreges maydonga tushdi
82 daqiqa. Isko o'ng qanotda himoyachini xato qilishga majbur qildi va to'pni jarima maydoni ichiga oshirdi. Ronaldu bu vaziyatdan unumli foydalandi - 2:2.
81 daqiqa. GOOOOOOOOOOOOOOOOOOL. RONALDU 2:2
79 daqiqa. "Atletiko" 10 kishi bo'lib himoyalanmoqda. Faqat Diego Kosta maydon markazida yuribdi
78 daqiqa. Marselo chap qanotdan to'pni jarima maydoniga oshirdi, to'p hech kimga tegmay maydonni tark etdi.
75 daqiqa. Ortda qolayotgan "Real"ning hujumlari ko'payib bormoqda. Lekin himoyachilar ham o'z vazifalarini yaxshi ado etishmoqda
73 daqiqa. Xavfli vaziyat! Karvaxalning oshirib bergan to'pini Ronaldu boshi bilan darvozaga yo'lladi, to'p Kurtua qo'riqlayotgan darvozaning yonginasidan o'tib ketdi
72 daqiqa. O'zgarish. "Real". Di Mariya o'rniga Isko tushdi
71 daqiqa. Ronaldu jarima to'pini amalga oshirdi, to'p yana jonli devordan uyog'iga o'tmadi.
70 daqiqa. O'zgarish. "Real". Arbeloaning o'rniga Karvaxal maydonga tushdi
69 daqiqa. SHu zahoti "Real"ning javob hujumi. Bu vaziyatda Beyl jarima maydoni ichidagi Benzemaga to'p oshirishda xatoga yo'l qo'ydi.
68 daqiqa. Xavfli vaziyat! Juda xavfli! "Atletiko"ning hujumi. O'ng qanotdan jarima maydoni ichiga oshirib berilgan to'pni Turan boshi bilan darvozaga yo'lladi, yaqin burchakka yo'llangan to'pni Lopez qaytardi
67 daqiqa. Arbeloa bu safar Kostani haqiqatgan ham yiqitgani uchun ogohlantirildi
66 daqiqa. "Real" hujumlar qilishda davom etadi. Kurtua yaqin masofadan yo'llangan zarbadan so'ng to'pni qaytardi
63 daqiqa. Bu safar Kosta jarima maydoni yonida yiqilib tushdi, bosh hakam unga simulyaciya uchun sariq kartchoka ko'rsatdi. Diego Simeonening yordamchisi hakam bilan "tashashmoqchi" bo'ldi. 7ta odam zo'rg'a uni to'xtatib qolishdi.
61 daqiqa. Xavfli vaziyat! Benzema etkazib berilgan to'pni to'xtatmasdan darvozaga yo'lladi, to'p darvoza ustuni yonidan o'tib ketdi.
60 daqiqa. Diego Kosta raqib jarima maydoni ichida Pepe bilan to'qnashib yiqildi, hakam penalti yo'qligini ko'rsatdi.
59 daqiqa. "Real" futbolchisi maydonda yotibdi, avval "Atletiko" hujumni to'xtatishni istamadi, endi "Real" futbolchilarining o'zi ham unga etibor bermay hujumga o'tib ketishdi
58 daqiqa. O'zgarish. "Real". Fabio Koentrao o'rniga Marselo maydonga tushdi
55 daqiqa. "Atletiko"ning o'ng qanotdan tashkil qilgan hujumidan so'ng burchak to'pi ishlandi. Xavfli vaziyat! Oshirib berilgan to'pni Diego Kosta boshi bilan darvozaga yo'lladi, biroz noaniq
54 daqiqa. Ronalduning zarbasidan so'ng to'p jonli devorga tegib qaytdi, bu vaziyatda to'p Xuanfranning qo'liga tegib qaytgan ekan.
54 daqiqa. Xuanfran Koentraoni jarima maydoni chizig'i yonida yiqitdi. Jarima to'pini "Real" vakillari tepadi
52 daqiqa. Kosta bu safar o'yindan tashqari holatda qolib ketdi.
51 daqiqa. Xavfli vaziyat! Diego Kosta darvozabon bilan birga bir vaziyatga chiqdi, biroq yo'llangan zarba noaniq ketdi.
50 daqiqa. O'yinni tomosha qilish uchun stadionga 54 600 tomoshabin keldi.
49 daqiqa. Koke burchak to'pini amalga oshirdi, himoyachilar to'pni qaytarishdi.
48 daqiqa. 18 metrlardan Kostaning bergan zarbasidan so'ng Diego Lopez to'pni qaytardi.
47 daqiqa. Alonso o'z jarima maydoni yaqinida Diego Kostani yiqitdi. Bosh hakam jarima to'pi belgiladi
46 daqiqa. Ikkinchi bo'lim boshlandi

Birinchi bo'lim tugadi. Hozircha 2:1. Tanaffus. Uxlab qolmang, barchasi oldinda.
45 daqiqa. Gabi chamasi 35 metrlardan to'pni kuchli zarb bilan darvozaga yo'lladi, to'p o'ziga xos traektoriya hosil qilib darvoza to'ridan o'rin oldi 2:1.
45 daqiqa. GOOOOOOOOOOOOOOOOOOL. GABI 2:1 Super gol!
44 daqiqa. Mezbonlar ustozi Diego Simeone zaxira o'rindig'i yonida "raqsga tushmoqda"
43 daqiqa. Oxirgi 10 daqiqada "Atletiko" ko'proq hujum qilmoqda.
42 daqiqa. Xavli vaziyat! Diego Kosta Ramosdan qochib ketdi va darvozaga zarba berdi. Bu erda boshqa bir Diego Lopez to'pni qaytardi!
39 daqiqa. Jarima to'pidan so'ng himoyachilar to'pni qaytarishdi, takroriy hujumda esa Filipe Luis yiqitildi. 25 metrlardan jarima to'pini mezbonlar tepishadi. Havolatib oshirilgan to'pni Serxio Ramos qaytardi.
38 daqiqa. Buning natijasida Pepe va Godin sariq kartochka oldi
37 daqiqa. Kosta yana Ramos bilan to'qnashdi, bu safar Ramos uni yiqitdi. Hakam jarima to'pi belgiladi. Buyoqda esa jarima maydoni ichida Pepe maydonga yiqilib tushdi... "razborka" ketmoqda.
36 daqiqa. Diego Kosta Ramos bilan kurashdi va to'pni sherigiga oshirdi. Raup Garsiya esa Pepe bilan to'qnashib ketdi.
35 daqiqa. Ronalduning 25 metrlardan yo'llagan kuchli va aniq zarbasidan so'ng to'pni Kurtua ushlab qoldi.
34 daqiqa. Kuchli yomg'ir ostida kechayotgan bahsni Delgado Ferreyra boshqarib borayotganini takidlab o'tish lozim.
32 daqiqa. Hisob tenglashgach "Real" hujumkorlikni oshirmoqda
29 daqiqa. Arda Turanning harakatlariga tasanno. U ikki futbolchini chalg'itib jarima maydoni ichida bo'sh turgan Kokeni to'p bilan taminladi. Koke Diego Lopes qo'riqlayotgan darvozaning uzoq burchagini aniq nishonga oldi - 1:1.
28 daqiqa. GOOOOOOOOOOOOOOOL. KOKE 1:1
27 daqiqa. Ramos o'z jarima maydoni ichida Raul Garsiyani yiqitdi, bu safar ham o'yin qoidalariga zid bo'lmagan holda
26 daqiqa. Yana bir vaziyat! O'ng qanotdan jarima maydoniga uzatilgan to'pni Ronaldu darvozaga yo'lladi, Kurtua ikki harakat bilan to'pni qaytardi.
25 daqiqa. Xavfli vaziyat! Di Mariyaning uzun diogonalidan so'ng Benzema to'pni to'xtatmasdan darvozaga yo'lladi, Kurtua o'z o'rnida
24 daqiqa. Xuanfran o'ng qanotdan to'pni jarima maydoni ichidagi Kostaga etkazib berdi. Diegoning zarbasi noaniq ketdi.
23 daqiqa. Maydonda futbol emas balet ketayotganga o'xshaydi. Har bir to'qnashuvdan so'ng futbolchilar maydondan turishga shoshilishmayapti. Mana hozir Xabi Alonso maydon markazida shifokorlarga kutmoqda.
22 daqiqa. Di Mariya tomonidan amalga oshirilgan jarima to'pini himoyachilar qaytarib yuborishdi
21 daqiqa. Ronalduni maydon markazida yiqitishdi, hakam Xuanfranni aybdor deb topdi
20 daqiqa. Raul Garsiyaning 30 metrlardan yo'llagan zarbasi ancha kusiz va noaniq ketdi.
19 daqiqa. Stadionga yig'ilgan minglab muxlislar har bir etiborli vaziyatni qichqiriqlar bilan kutib olishmoqda
18 daqiqa. "Real" vakillari to'pni o'zlarida saqlab turib hujumga o'tishmoqda
17 daqiqa. Modrich to'pni jarima maydoniga uzatishga urindi, to'p Godinga tegib autga chiqib ketdi.
16 daqiqa. Mezbonlar hujumlarni asosan chap qanotdan tashkil qilishmoqda, bu safar Felipe Luis to'pni maydon tashqarisiga chiqarib yubordi
15 daqiqa. Boyagi vaziyatni takroran ko'rganimizda Ramos Kostani yiqitgani ko'rindi. Vaziyat o'tib ketib bo'ldi
14 daqiqa. "Atletiko" hujumga o'tdi, chap qanotdan jarima maydoniga uzatilgan to'pga hech kim eta olmadi.
12 daqiqa. Diego Kosta raqib jarima maydoni ichida yiqildi. Biroq hakam Ramos o'yin qoidalariga binoan harakat qilgan deb topdi. Arda Turan esa hakamga aql o'rgantgani uchun ogohlantirildi
9 daqiqa. Arbeloa oldinga o'tdi, raqib himoyachilari tomonidan "yaxshilab" kutib olindi. O'yin davomia etadi.
7 daqiqa. O'yin keskinlashmoqda. Biroz avval Diego Kosta Diego Lopezga nisbatan, hozir Ramos Raul Garsiyaga nisbatan keskin o'ynadi. Bu derbi!
6 daqiqa. To'p "Real" futbolchilarida
3 daqiqa. Di Mariyaning to'p uzatishidan so'ng Karim Benzema yaqin masofdan to'pni darvozaga yo'lladi - 0:1.
3 daqiqa. GOOOOOOOOOOOOOOOOOOL. BENZEMA 0:1
1 daqiqa. O'YIN BOSHLANDI
20:15. Boshlang'ich tarkiblar malum bo'ldi.