Madaniyat vazirligi va Jismoniy tarbiya va sport davlat qo'mitasiga yangi rahbarlar tayinlandi.

Madaniyat va sport ishlari vazirligi tizimida O'zbekiston Respublikasi Madaniyat vazirligi va O'zbekiston Respublikasi Jismoniy tarbiya va sport davlat qo'mitasi tashkil etildi.

Alisher Navoiy nomidagi O'zbekiston davlat akademik katta teatri direktori lavozimida faoliyat ko'rsatayotgan Muratov Maxmud Muminovich Madaniyat vaziri etib tayinlandi.
M.Muratov - 1970 yildan Respublika bolalar musiqa tarbiya internat o'qituvchiligidan mehnat faoliyatini boshlagan. So'ngra Madaniyat ishlari vazirligi Maxsus tadbirlar va konkurslar bo'limi mudiri, Musiqa tashkilotlari boshqarmasi boshlig'i, O'zbekiston davlat filarmoniyasi rahbari, Madaniyat ishlari vazirining birinchi o'rinbosari, Toshkent davlat musiqali komediya (operetta) teatri direktori, 2015 yildan Alisher Navoiy nomidagi O'zbekiston davlat akademik katta teatri direktori lavozimida faoliyat ko'rsatgan.


Olimpiya shon-shuhrati muzeyi direktori Kurbanov Rustam Djavdatovich Jismoniy tarbiya va sport davlat qo'mitasiga rais etib tayinlandi.

R.Kurbonov –  mehnat faoliyati davomida bir qator rahbar lavozimlarda xizmat qilgan. Jumladan,  Toshkent shahar hokimining ijtimoiy masalalar bo'yicha birinchi o'rinbosari, Bektemir tumani hokimi, O'zbekiston Milliy Olimpiya qo'mitasi prezidenti, "O'zbekturizm” kompaniyasi raisi, O'zbekiston Respublikasi Madaniyat va sport ishlari vaziri lavozimi, 2009 yildan boshlab Olimpiya shon-shuhrati muzeyi direktori lavomizida faoliyat ko'rsatgan.