Lyubinko Drulovich: "Osiyo chempionatida juda murakkab guruhdan o'rin oldik"
04 okt 2019 20:31
Yangiliklar
![](https://championat.asia/upload/storage/521813_original.jpg)
![](/upload/storage/521813_220.jpg)
Lyubinko Drulovich: "Osiyo chempionatida juda murakkab guruhdan o'rin oldik"
Ayni paytda terma jamoamiz mazkur o'yinlar oldidan poytaxtimizda yig'in o'tkazmoqda.
O'zbekiston olimpiya terma jamoasi ustozi Lyubinko Drulovich qita chempionatiga tayyorgarlik jarayoni va qura natijalari xususida o'z mulohazalarini bildirdi.
- Dastavval yaqinda bo'lib o'tgan qura to'g'risida fikr bildirib o'tsam. Osiyo chempionatida juda murakkab guruhdan o'rin oldik. Zero guruhimizdan joy egallagan har bir terma jamoa qitada etakchilar sirasiga kiradi. SHu boisdan oldinda bizni juda qiziqarli va shiddatli to'qnashuvlar kutayotgani tayin.
Lekin hali musobaqaga etarlicha vaqt bor va biz reja asosida tayyorgarlik jarayonini davom ettiryapmiz. Yaqinda Eron olimpiya terma jamoasi bilan o'rtoqlik o'yini o'tkazgan edik. Ushbu raqib to'g'risida etarlicha tasavvurga egamiz. Endi esa Janubiy Koreya bilan ham bahs olib boramiz. Bilasizmi, biz ushbu raqiblar bilan o'rtoqlik o'yini o'tkazish masalasini quradan ancha avval kelishib olgan edik. Qura esa aynan o'rtoqlik o'yinlarida ham to'qnash kelgan terma jamoalarni bizga taqdim etdi. Nima ham deya olamiz, qura natijalarini oldindan taxmin qilib bo'lmaydi.
Terma jamoamiz tayyorgarlik jarayonini davom ettirmoqda. Yigitlarning harakatlaridan ko'nglim to'lmoqda. Men o'z shogirdlarimga ishonaman. Ayni paytda bir qator jarohatlangan o'yinchilar safimizda emas. Qolaversa, ayrim futbolchilarimiz milliy terma jamoaga jalb etilgan. Osiyo chempionatiga qadar hali yana yig'inlar tashkil etamiz. O'ylashimcha, dekabr oyidagi yig'inda to'liq tarkib bilan shug'ullanamiz. Sekin-asta tarkib asosi shakllanib bormoqda. Terma jamoaga nomzod har bir futbolchida Osiyo chempionatiga borish imkoni mavjud. Ularning ichidan eng saralari qita birinchiligiga yo'l oladi, - deya o'z fikrlari bilan o'rtoqlashdi tajribali mutaxassis.
O’xshash yangiliklar
![AMP Logo](https://championat.asia/image/logo-amp.png)
Fikrlar