"Lutfulla To'raev "Neftchi"da qoladi" - "Neftchi"ning bugungi mashg'ulotidan reportaj+Vitaliy Levchenko bilan intervyu
12 dek 2022 19:03
Yangiliklar
![](https://championat.asia/upload/storage/731511_original.jpg)
![](/upload/storage/731511_220.jpg)
"Lutfulla To'raev "Neftchi"da qoladi" - "Neftchi"ning bugungi mashg'ulotidan reportaj+Vitaliy Levchenko bilan intervyu
Vitaliy Levchenko boshchiligidagi murabbiylar shtabi dastlabki kungi mashg'ulotlarda engil yuklamalar berildi. To'p bilan mashqlar bajarildi. Futbolchilarning kayfiyati alo darajada. Bevosita tarkibga kelsak, Nurillo To'xtasinov, "Buxoro"dan Humoyun SHerbo'taev ijaradan qaytda, "Neftchi" uchun begona bo'lmagan Anvar G'ofurov, yosh darvozabon Asror Kenjaev, Sardor Xursandov va boshqa bir qator yosh futbolchilar kelib qo'shildi. Humoyun SHerbo'taev yozda klub bilan 2 yillik shartnoma imzolab "Buxoro"ga ijara asosida o'tgandi. Jamoani hozirga qadar tark etganlar, SHerzod Karimov, Darko Stanoevich, Mashhur Muhammadjonov, Evgeniy Konyuxov, Salamat Quttiboev, Oybek Qilichev, Sirojiddin Qo'ziev. Abror Ismoilov va SHahzod Ubaydullaev borasida hozircha vaziyat 50/50 bo'lib turibdi.
Rasman: Nurillo To'xtasinov - "Neftchi" futbolchisi!
Oleksey Larin va Lutfulla To'raev ertaga, Vladimir Ejurov shu haftada jamoa ixtiyoriga etib kelishi ko'zda tutilgan. Yig'inning bu bosqichi 24 dekabr sanasiga qadar davom etadi.
- Vitaliy Grigorevich dastlab tayyorgarlik va yig'in haqida fikrlaringizni bildirib o'tsangiz?
- Yigitlar yaxshi va ko'tarinki ruhda yig'ilishdi. Umuman olganda jamoaning o'zagini saqlab qoldik. Yig'in davomida bir nechta yosh futbolchilarni ko'rib olishni rejalashtirganmiz. 6 yanvar sanasidan mashg'ulotlar Turkiyada davom etadi. U erda legionerlar ham kelib qo'shiladi. Ulardan munosiblarini tanlab olamiz.
- Jamoaning etakchisi va qaysidir manoda "motori" Lutfulla To'raev jamoada qolish masalasiga aniqlik kirita olasizmi?
Lutfulla To'raev jamoamizda qoladi. Ayni paytda davolanish jarayonini o'tkazmoqda. Bu borada hammasi joyida.
- Yaqinda "Neftchi" rahbariyatida o'zgarish bo'ldi. Bu rejalar va maqsadlarga tasir qilmaydimi?
- Klubda rahbariyat o'zgarishi har doim yuz beradigan holat. Qandaydir havotirli tomoni yo'q. Ishimiz reja asosida davom etadi.
- Turkiyadagi yig'inda legionerlar kelishi haqida aytdingiz. Fikrimcha, bu juda qiyin jarayon. CHunki shu paytgacha jamoada yarim mavsum o'ynab foyda keltirmagan xorijlik futbolchilar ham to'p tepdi...
- "Neftchi"ga haqiqatdan ham yordam beradigan legioner jalb qilamiz. Jamoamizda sifat tushib ketmasligi uchun ham futbolchilarning sifatlisini taklif qilamiz.
O’xshash yangiliklar
![AMP Logo](https://championat.asia/image/logo-amp.png)
Fikrlar