Luka Modrich: "Milan" – bolaligimdagi sevimli jamoam, Boban esa kumirim edi"

Dushanba kuni 39 yoshli yarim himoyachi "rossonerilar" bilan "1+1" sxemasi bo'yicha bir yillik shartnoma imzoladi. Xorvat klublar o'rtasidagi jahon chempionatidan so'ng 13 mavsum o'ynagan "Real"ni tark etdi.

– Bolaligimda Italiya chempionatini ko'p ko'rardim, "Milan" esa mening sevimli jamoam edi. O'sha paytlarda Xorvatiyada "Milan" juda mashhur edi, chunki u dunyodagi eng ommabop klublardan biri bo'lgan. U erda Zvonimir Boban o'ynardi, u mening kumirim bo'lgan.

Endi men "Milan"daman, bundan juda xursandman va yangi sayohatni intizorlik bilan kutayapman.

– Nima sababdan "Milan" taklifini qabul qildingiz?

– Men Evropada qolishni, raqobatbardosh turnirda o'ynashni xohladim. Menda boshqa takliflar bor edi, lekin "Milan"ni eshitishim bilan ularni tanladim.

Igli Tare ("Milan"ning sport direktori) Xorvatiyaga kelib, menga "Milan" loyihasi haqida gapirib bergani meni hayratda qoldirdi. Klubning menga qanchalik qiziqish bildirayotganini ko'rsatishi men uchun muhim edi.

"Milan" – Evropaning eng buyuk klublaridan biri. U o'rtacha natijalar bilan qanoatlanmaydi va eng yuqori maqsadlarni – sovrinlarni yutish, dunyoning eng yaxshi jamoalari bilan raqobatlashishni o'ziga vazifa qilib qo'yishi kerak. Shu sabab men bu erdaman, – dedi Modrich klub mediasiga bergan intervyusida.