Luis Suares Koutino va Jerrardning yoniga qaytishi mumkin

35 yoshli forvardning Madrid klubi bilan shartnomasi yozda yakunlanadi, shundan so'ng u erkin agentga aylanadi.

Futbolchiga boshqa klublar qatori Filippe Koutino to'p suradigan "Aston Villa" ham qiziqish bildirmoqda. Jamoani bir paytlar Suares va Koutino bilan birga "Liverpul"da to'p tepgan Stiven Jerrard boshqaradi.

Urugvaylik futbolchiga "Ayaks", MLS va Braziliya klublari ham davogarlik qilmoqda. Oldinroq hujumchiga "Inter" va "Sevilya" klublari qiziqish bildirayotgani haqida xabar berilgandi.

Suares joriy mavsum La Ligada 26 ta o'yinda maydonga tushib, 9 ta gol urdi va 2 ta golli uzatmani amalga oshirdi.