“Lokomotiv” oliy ligada 450-golini urishga juda yaqin

Bungacha gollar soni 445ta edi, biroq o'tgan turda “Andijon” 2:1 hisobida mag'lub etilganidan so'ng umumiy gollarga yana ikkita qo'shildi va hozirga kelib 447tani tashkil etmoqda.

“Lokomotiv” yana uchta gol urganidan so'ng 450talik marra ham zabt etiladi. Mavsum yakunlanishiga etti tur qolganini inobatga olsak, “Lokomotiv”ning oliy ligadagi gollari 450tadan oshib ketishi hech gap emas. Buning uchun futbolchilarimizdan yanada sermahsullik talab etiladi.

Malumot uchun yana shuni aytishimiz mumkin, “Lokomotiv” shu paytgacha bir mavsumda eng ko'p golni 2013 yilgi chempionatda kiritgan bo'lib, gollar soni 63tani tashkil qilmoqda. Eng kam gol esa 2010 yilgi mavsumda raqiblar darvozasiga kiritilgan – 20ta. Bu yilgi chempionatda “temiryo'lchilar” hozircha 48ta gol urishdi va bu borada oliy liganing eng yaxshi ko'rsatkichga ega jamoasi bo'lib turishibdi.

“Lokomotiv”ning shu paytgacha oliy ligada urgan gollari:
2004 yil. 37ta
2005 yil. 39ta
2006 yil. 39ta
2007 yil. 25ta
2008 yil. 41ta
2009 yil. 34ta
2010 yil. 20ta
2012 yil. 43ta
2013 yil. 63ta
2014 yil. 58ta
2015 yil. 48ta (hozircha)