"Lokomotiv": Jurnalistlar diqqatiga!
25 fev 2017 21:10
Yangiliklar

"Lokomotiv": Jurnalistlar diqqatiga!

Xabaringiz bor, 27 fevral kuni Osiyo chempionlar ligasi 2-turidan o'rin olgan "Lokomotiv" - "Al Ahli" (Dubay) uchrashuvi bo'lib o'tadi. TTZdagi "Lokomotiv" stadionida kechadigan bahs 16:00da boshlanadi.

Ertaga, 26 fevral kuni o'yinoldi matbuot anjumani tashkil qilinadi. Ushbu tadbir "Lokomotiv" stadionining matbuot anjumanlari zalida soat 12:00da boshlanadi.

"Lokomotiv" - "Al Ahli" uchrashuvini yoritish istagida bo'lgan barcha turdagi OAV xodimlari ertangi matbuot anjumanidan so'ng klub matbuot xizmatiga uchragan holda OCHL-2017 uchun o'z akkreditaciya kartochkalarini olishlari mumkin.

Bundan tashqari, ertaga o'yin payti media tribunada o'tirib ishlaydigan jurnalistlar uchun media-chipta (Media Ticket) ham taqdim etiladi. "Lokomotiv" stadioni muxlislar sig'imi bo'yicha kichik va ixcham bo'lgani uchun media tribunada jurnalistlar uchun 40ta joy ajratilgan. Media chipta esa aynan media tribunadan o'yinni kuzatish hamda o'tirib bemalol ishlash imkonini beradi.