“Lokomotiv” Eron jamoalariga qarshi qanday o'ynagan?

"Lokomotiv” 6-mavsumdirki, qitamizning klublar miqyosidagi eng nufuzli musobaqasida ishtirok etib kelmoqda. Dastlabki 2 mavsumda “temiryo'lchilar” saralash bosqichida qatnashishgan bo'lsa, 2015 yildan boshlab “Loko” guruh bosqichidan musobaqaga kirishmoqda.

Bu yil ham “Lokomotiv” mavsumni BAAning “Al Vahda” klubiga qarshi bahs bilan boshladi. 5:0 hisobida g'alabaga erishgan “Loko” shu tariqa CHempionlar Ligasidagi o'zining eng yirik hisobdagi g'alabasini takrorladi. Endi “Lokomotiv”ni Eronning “Zob Ahan” jamoasiga qarshi safarda bo'ladigan uchrashuv kutib turibdi.

SHu o'rinda takidlash joizki, “Lokomotiv” OFK CHempionlar Ligasi doirasida Eron jamoalariga qarshi 6ta bellashuv o'tkazgan. Dastlab 2015 yilgi mavsumda “Fulad” bilan to'qnash kelgan “Lokomotiv” uyda 1:1 hisobida durang o'ynagan. Safarda esa omad raqibga kulib boqqandi va eronliklar 1:0 hisobida zafar quchishgandi.

2016 yilda esa biz bilan bitta guruhdan Eronning “Sepahon” jamoasi o'rin olgandi. O'shanda “Loko” har ikki o'yinda ham (1:0 va 2:0) fors jamoasini mag'lub etishning uddasidan chiqqandi.

O'tgan mavsumda esa “Lokomotiv” “Istiqlol” bilan to'qnash keldi. Toshkentda o'tgan matchda 1:1 hisobi qayd etilgandi. Eronda esa “Istiqlol”ga omad kulib boqdi va mezbonlar 2:0 hisobida zafar quchishgandi.