"Lokomotiv" - "Al Rayan" bahsini xitoylik hakamlar boshqaradi

SHu kuni "temiryo'lchilar" o'z uylarida Qatarning "Al Rayan" klubini qabul qilishadi. Ushbu bahsni xitoylik hakamlar brigadasi boshqarib boradi. Bosh hakam - Ma Ning. Unga qanotlarda Sao Yi va SHi Siang yordam berishadi. 

Malumot uchun, ushbu hakam OCHLda "Lokomotiv" ishtirokidagi o'yinni ikkinchi marta boshqaradi. Birinchisi 2015 yil ro'y bergan bo'lib, o'shanda "Loko" safarda Eronning "Fulad" klubi mehmoni bo'lgandi. 

Eslatib o'tamiz, "Lokomotiv" - "Al Rayan" bahsi 21 may kuni soat 19:00da start oladi. O'yindan bir kun oldin esa (20 may) odatga ko'ra matbuot anjumani tashkil etiladi. Matbuot anjumani "Lokomotiv" stadionida 12:00da boshlanadi. Dastlab mehmon jamoa bosh murabbiyi, shundan so'ng "Lokomotiv" ustozi savollariga javob qaytaradi.