"Lokomotiv" Ahvazda, o'yindan oldingi miting va matbuot anjumani haqida

Ertaga "temiryo'lchilar" Osiyo chempionlar ligasining 6-turidan o'rin olgan bahsda "Fuladga qarshi maydonga tushishadi.

Ahvazga parvoz uch soatdan sal oshiqroq vaqtni oldi. Hamma sog'-salomat manzilga etib keldi. "Lokomotiv" delegaciyasi shahardagi eng mashhur mehmonxona - "Pars Hotel"da joylashdi. Bugun ertangi o'yin oldidan odatdagidek har ikkala jamoa menejerlari ishtirokida miting hamda o'yinoldi matbuot anjumani bo'lib o'tdi. Har ikkala tadbir uchrashuv bo'lib o'tadigan "Gadir Stedium"da tashkil qilindi.



Miting davomida shu narsa aniq bo'ldiki, "Lokomotiv" ertaga oq rangli libosda to'p tepadi. Maydon egalari esa o'zlarining ananaviy qizg'ish rang futbolkalarida o'ynashadi. O'yindan oldin o'tkazilgan matbuot anjumanida jamoa bosh murabbiyi Vadim Abramovga 11-raqamdagi hujumchimiz Temurxo'ja Abduxoliqov hamrohlik qildi.



Vadim Abramov "Garchi ikkala jamoa turnir bilan xayrlashgan bo'lsa-da, uchrashuv qiziq kechishini" aytib o'tgan bo'lsa, Temurxo'ja Abduxoliqov "Toshkentda durang o'ynab qo'yganimiz uchun bu safar g'alaba qozonishga harakat qilishimiz"ni bildirdi.