"Liverpul"ning hujumkor to'rtligidan daxshatli ko'rsatkich + FOTO

Ayni paytda mersisaydliklar "Audi Cup"ning yarim finalida "Bavariya"ni mag'lub etib, finalga yo'l olishdi.

"Qizillar" yozgi transfer oynasida "Roma"dan misrlik Muhammad Salahni sotib olishgan edi. Salah allaqachon mavsumoldi o'yinlarida gollar urishni boshlab yubordi. Hatto, "Bavariya" darvozasiga ham to'p kiritdi. Klopp hozirda yangi mavsumga hujumkor to'rtlikni tayyorlab qo'ydi. Bular: Filippe Koutino, Sadio Mane, Muhammad Salah va Roberto Firmino. Bu o'yinchilarning o'tgan mavsum milliy chempionat uchrashuvlaridagi statistikasi daxshatli ko'rinish olgan. Demak, yuqoridagi 4 nafar futbolchi o'tgan mavsum jami 52ta gol urgan va 30ta golli pas bergan.

"Liverpul" to'rtligining o'tgan mavsumdagi ko'rsatkichlari:

Koutino - 13ta gol, 7ta pas
Mane - 13ta gol, 5ta pas
Salah - 15ta gol, 11ta pas
Firmino - 11ta gol, 7ta pas