“Liverpul” hujumchisining xizmatlari “Yuventus”ga taklif etildi

Belgiyalik hujumchi Divok Origi “Liverpul”da o'yin amaliyoti kamligi sabab yanvarda boshqa klubga o'tishi kutilmoqda. Agentlar futbolchining xizmatlarini “Yuventus” va “Fiorentina”ga taklif etdi. Unga ko'ra mazkur klublar futbolchini keyinchalik sotib olish huquqi bilan mavsum so'ngiga qadar ijaraga olishi mumkin. Avvalroq Origiga “Inter”dan qiziqish borligi aytilgandi.

Origi joriy mavsum APLda 3 ta o'yinda ishtirok etdi (maydonda jami 10 daqiqa, xolos).