"Liverpul" himoyachisi omadsiz ijaradan so'ng jamoaga qaytdi

"Liverpul" o'zining rasmiy veb-saytida "Aberdin"dan himoyachi Ris Uilyamsning muddatidan oldin jamoaga qaytganini elon qildi. Angliyalik futbolchining SHotlandiyadagi faoliyati muvaffaqiyatsiz tugadi.

Futbolchi yarim mavsum davomida SHotlandiya chempionatida ham, evrokuboklarda ham maydonga tushmadi. Bungacha u ijara asosida "Blekpul", "Suonsi" va "Kidderminster" klublarida o'ynagandi.

Uilyams 2011 yildan beri "Liverpul" tizimida harakat qilmoqda. 22 yoshli markaziy himoyachi shu kungacha "qizillar"ning asosiy tarkibida 19 ta o'yinda ishtirok etdi.