Legionerlar. SHukurov va G'aniev jamoalarida mag'lubiyatlar
26 dek 2022 09:00
Yangiliklar

Legionerlar. SHukurov va G'aniev jamoalarida mag'lubiyatlar

Turkiya Superligasi 15-turida “Karagyumruk” safarda “Adanademirspor” bilan bahs olib borib, 1:2 hisobida imkoniyatni boy berdi.

Mezbonlar safida Emre Akbada dublga erishgan bo'lsa, fotihliklardan Fabio Borini raqib darvozasini ishg'ol etdi. O'yinni asosiy tarkibda boshlagan Otabek SHukurov 75-daqiqada zaxiraga olindi va uning o'rnini 20 yoshli xavbek Samed Onur egalladi.

Andrea Pirlo shogirdlari hozirda chempionat jadvalida 13 ochko bilan 19 ishtirokchi ichida 17-o'rinda bormoqda. Jamoa keyingi uchrashuvini 28 dekabr (20:00) kuni “Trabzonspor”ga qarshi o'tkazadi.

BAA chempionati 12-turida “SHabab Al Ahli” o'z maydonida “Baniyas”ni qabul qilib, 1:2 natijasi bilan imkoniyatni boy berdi.

Bahsda hisobni mezbonlar himoyachisi Volid Abbos ochgan bo'lishiga qaramay, raqiblar vaziyatni o'ngladi va argentinalik Gaston Alvares hamda Suxayl Al Noobining gollari evaziga g'alabani ilib ketdi. Dubayliklar safida Azizjon G'aniev uchrashuvni to'liq o'tkazdi.

“SHabab Al Ahli” hozirda musobaqa jadvalida 25 ochko bilan 2-o'rinda bormoqda. “SHarja” esa 1 ochko farq bilan peshqadamlik qilmoqda. G'aniev o'ynayotgan jamoa keyingi turni 23 yanvar (18:15) kuni “Ajman”ga qarshi o'tkazadi.