Legionerlar: Ahmedov to'liq o'ynadi, Filiposyan maydonga qaytdi

ROSSIYA
2 may kuni Rossiya Premer-Ligasi 28-tur o'yinlariga star berildi. Premer-Liga peshqadamlaridan biri, Moskvaning Lokomotiv klubi o'z maydonila chempionat etakchisi Zenit klubini klubiga qarshi maydonga tushdi 1:1 hisobida durang o'ynadi. Temiryo'lchilar himoyachisi Vitaliy Denisov uchrashuvning ikkinchi bo'limi 80-daqiqasida zahiradan maydonga tushirildi va o'yin yakuniga etgunicha maydonda 10 daqiqa harakat qildi.

Maxachqalaning Anji klubi safida o'ynayotgan Odil Ahmedov, mazkur turda o'z maydonida Terek klubiga qarshi asosiy tarkibda maydonga tushib to'liq 90 daqiqa o'ynadi. Uchrashuvda Anji yirik 3:0 hisobida g'alaba qozondi.

UKRAINA
Ukrainanig Vorskla klubi sharafini himoya qilayotgan O'zbekiston milliy terma jamoasi yarim himoyachisi Sanjar Tursunov, Ukraina Premer-Ligasi 26-tur uchrashuvida safarda Zaparojening Metallurg klubiga qarshi asosiy tarkibda maydonga tushdi va to'liq 90 daqiqa to'p surdi. Uchrashuv Vorsklaning 1:0 hisobidagi g'alabasi bilan yakuniga etgan.

BAA
BAA Pro-Ligasi vakili Al SHaab klubi safida to'p surayotgan o'zbekistonlik yarim himoyachi Oybek Qilichev 25-tur uchrashuvida o'z maydonida Al SHarja klubiga qarshi uchrashuvda asosiy tarkibda maydonga tushib, 71-daqiqada almashtirilgan. O'yinda 1:1 hisobi qayd etilgan.

Dubayning Ash SHabob klubi yarim himoyachisi Aziz Haydarov mazkur tur o'yinida jamoasi qaydnomasiga kiritilmagan.

XITOY
3 may kuni Xitoy Superligasida ham 9-tur o'yinlariga start berildi. CHangchun Yatay klubida to'p surayotgan O'zbekiston milliy terma jamoasi himoyachisi Anzur Ismoilov safarda Xarbin klubiga qarshi kechgan uchrashuvda asosiy tarkibda maydonga tushdi va 90 daqiqa harakat qildi. O'yin 3:1 hisobida Xarbin klubi g'alabasi bilan tugagan.

Liaoning klubida o'ynayotgan yana bir o'zbekistonlik himoyachi, Artem Filiposyan esa, mazkur turda o'z maydonida Guijou klubiga qarshi kechgan o'yinning ikkinchi bo'limi boshidan maydonga tushib 45 daqiqa maydonda harakat qilgan.