Langle APL jamoasiga o'tmoqda, bu "Tottenxem" emas

Bu haqda AS yozmoqda.

Manbaga ko'ra, Angliya klubi futbolchini bir yil muddatga ijaraga oladi. "Aston Villa" franciyalik futbolchiga soliqlar bilan birga yiliga 16 million evroni tashkil etuvchi maoshni to'liq to'lashga rozi.

Oldinroq Langle Saudiya Arabistonining "Al Nassr" klubiga 10 million evro va 5 million evro bonus evaziga o'tishga yaqin turgani haqida xabar berilgandi. Biroq so'nggi lahzada transfer amalga oshmay qoldi.

Langle 2018 yilning yozidan buyon "Barselona" safida to'p tepadi. U Kataloniya klubi safida 160 ta o'yin o'tkazib, 7 ta gol urgan va 3 ta golli uzatmani amalga oshirgan. "Barselona" tarkibida Ispaniya chempioni, Ispaniya Kubogi sohibi bo'lgan va Ispaniya Superkubogini ham qo'lga kiritgan.