LaLiga. Madridliklarning omadi chopmadi, "Barselona" esa Messisiz ham gol urdi (9-tur sharhi)
23 okt 2018 11:49
Yangiliklar

LaLiga. Madridliklarning omadi chopmadi, "Barselona" esa Messisiz ham gol urdi (9-tur sharhi)

Teglar : Tur sharhi Laliga

O'tgan hafta oxiri va joriy hafta boshida LaLiganing 9-tur o'yinlari bo'lib o'tdi.

Ushbu turning eng markaziy o'yinlari haqida qisqacha to'xtalib o'tamiz.

Celta Vigo

LaLiga . 9-tur

20/10/2018, 01:00

Tugadi

Deportivo Alaves

Tomas Pina - 58'

Stadion: Estadio Municipal de Balaidos, 15627 tomoshabin

Bosh hakam: Carlos del Cerro

45'

90'

Match-senterda ochish

"Selta" - "Alaves" 0:1

9-turni "Selta" hamda "Alaves" o'rtasidagi uchrashuv ochib berdi. O'zini yaxshi tomondan ko'rsatayotgan Baskoniya klubi joriy mavsum katta muvaffaqiyatlarga erishmoqda. "Alaves" Vigo klubiga qarshi bahsda Tomas Pinaning goli evaziga g'alaba qozondi. Jamoa ushbu muvaffaqiyatdan so'ng turnir jadvalida 2-o'ringa chiqib oldi.

Real Madrid

Marcelo - 72'

LaLiga . 9-tur

20/10/2018, 17:00

Tugadi

Levante

Jose Luis Morales - 6', Roger Marti - 13'

Stadion: Estadio Santiago Bernabeu, 63423 tomoshabin

Bosh hakam: Guillermo Cuadra

45'

90'

Match-senterda ochish

"Real" - "Levante" 1:2

Ushbu uchrashuvda "Qirollik klubi" rekord o'rnatdi. Aniqrog'i antirekord. Jamoa o'zining 116 yillik tarixida birinchi marta 465 daqiqa davomida gol ura olmadi. Ushbu raqamlar ortib ketishi mumkin edi, ammo Marselo daqiqalarni to'xtatib qoldi.

O'yin "Qirollik klubi" uchun omadsiz boshlandi. 7 va 13-daqiqalarda "Levante" futbolchilari Morales va Rojer Marti urgan gollar "qaymoqranglilar"ni shoshirib qo'ydi. Madrid klubi birinchi bo'limni golsiz yakunladi. Ikkinchi bo'lim o'rtalarida Marselo hisobni qisqartirdi, ammo "Real" shu bilan to'xtadi. Ko'plab hujumlar, burchak va jarima zarbalari natija bermadi. "Qurbaqalar" ajoyib kayfiyatda uyga qaytishdi, madridliklar esa Xulen Lopetegi o'rniga mutaxassis izlashni boshlab yuborishdi.

Villarreal

Mario Gaspar - 65'

LaLiga . 9-tur

20/10/2018, 22:30

Tugadi

Atletico Madrid

Filipe Luis - 51'

Stadion: Estadio de la Ceramica, 17518 tomoshabin

Bosh hakam: Xavier Estrada

45'

90'

Match-senterda ochish

"Vilyarreal" - "Atletiko" 1:1

Asta-sekin formasini tiklab olayotgan "matraschilar" bu turda yana ochko yo'qotishdi. Bahs teng kurashlar ostida o'tdi. Uchrashuvda hisob 51-daqiqada "Atletiko" himoyachisi Filipe Luis tomonidan ochildi. 15-daqiqadan so'ng Mario Gaspar o'rtadagi muvozanatni tikladi. "Atletiko" ushbu bahsda g'alaba qozonishga harchand urinmasin, buni uddalay olmadi. Joriy tur oldidan 4-o'rinda bo'lgan "matraschilar" bir pog'ona pastlashdi.

Barcelona

Philippe Coutinho - 2', Lionel Messi - 12', Luis Suarez - 63', Ivan Rakitic - 88'

LaLiga . 9-tur

21/10/2018, 00:45

Tugadi

Sevilla

Clement Lenglet - 79', Luis Muriel - 90'

Stadion: Camp Nou, 88712 tomoshabin

Bosh hakam: Juan Martinez

45'

90'

Match-senterda ochish

"Barselona" - "Sevilya" 4:2

Ushbu o'yin Kataloniya klubining ko'plab muxlislarini xafa qildi desak adashmaymiz. "Barselona" bahsni juda yaxshi boshladi. 2-daqiqadayoq Koutino Messining uzatmasini golga aylantirdi. Roppa-rosa 10 daqiqadan keyin argentinalik forvardning o'zi sevimli uslubida raqib darvozasini ishg'ol qildi. "Barselona" muxlislarini xafa qilgan vaziyat 16-daqiqa sodir bo'ldi. Messi raqib jamoaning ikki futbolchisi orasidan o'tishga urinib, erga noqulay yiqildi va qo'lini sindirib oldi. 26-daqiqada forvard o'rnini Usmon Dembele egalladi. Kataloniyaliklar Messisiz ham gol urishga muvaffaqa bo'lishdi. Ivan Rakitich va Luis Suares jamoaning 3 va 4-gollariga mualliflik qildi. Pablo Machin shogirdlari faqat 2ta gol bilan javob qaytardi. Ushbu bahsdan so'ng "Barselona" turnir jadvalida yana etakchiga aylanib oldi.