La Liga. "Barselona" Xetafeda mehmon, debyutant "Real"ga qarshi va 6-turning boshqa o'yinlari uchun prevyu

5-tur uchrashuvlari o'tkazildan bo'lsada, ammo barcha jamoalar ham yangi mavsumda 5 ta o'yin o'tkazishmadi. 6-tur o'yinlari oldidan esa hamma har xil holatda. Oldinda esa bizni bir qator ajoyib uchrashuvlar, murosasiz bahslar kutib turganiga ishonamiz. Quyida esa siz uchun 6-tur anonslarini havola etamiz.
17.10 16:00 (Toshkent vaqti) “Granada” – “Sevilya”

Mazkur turga ikki jamoa 7 ochko bilan etib keldi. “Sevilya” 3 ta o'yinda shuncha ochko to'plagan bo'lsa, “Granada” bu uchun 4 ta o'yin o'tkazdi. 2 g'alaba, 1 durang va 1 mag'lubiyat. Sevilyaliklar esa ushbu mavsumda hali mag'lubiyatga uchramadi. Mezbonlarda to'plar nisbati ham yomonroq (6-8). “Sevilya” esa bu borada ham yaxshi natijaga ega (5-2).

Jamoalarning jarohatlangan futbolchilari:
Neyder Losano, Aleks Martines, Karlos Neva, Kini (“Granada”). Ussama Idrissi, Karim Rekik (“Sevilya”).

17.10 19:00 (Toshkent vaqti) “Selta” – “Atletiko Madrid”

“Balaidos” stadionida bo'lib o'tishi rejalashtirilgan o'yinga ikki jamoa ham bir xil ochkoda etib kelishadi. Ammo “Selta”ning madridliklardan farqi ular 2 o'yin ko'proq o'tkazishgan. Har ikki jamoa ham 1 g'alaba hamda 2 durangga erishgan va 5 ochko qo'lga kiritgan holda turnir jadvalida orqama-ketin joylashishgan (“Atletiko” – 12 o'rin, “Selta” – 13 o'rin).

Jamoalarning jarohatlangan futbolchilari:
Ruben Blanko, David Xunka, Serxio Alvares, Kevin Vaskes, Xose Fontan (“Selta”). Yan Oblak, Xose Ximenes, Dario Poveda (“Atletiko Madrid”).

Bu mavsum eng ko'p quruq o'yin o'tkazgan darvozabonlar

17.10 21:30 (Toshkent vaqti) “Real Madrid” – “Kadis”

Turnir jadvalida peshqadamlikni qo'lga olgan Madridning “Real”i 4 o'yindan so'ng 10 ochkoga ega. Mehmon “Kadis” esa 5 o'yin o'tkazgan va 7 ochko jamg'argan holda turnir jadvali o'rta chiziqlarida ko'rinish beradi. Mazkur o'yindagi “Kadis”ning g'alabasi aynan “Real” bilan tenglashib olishi va o'z o'rnidan ancha yuqoriga siljish imkoniyatini beradi.

Jamoalarning jarohatlangan futbolchilari:
Eden Azar, Alvaro Odriosola, Daniel Karvaxal, Eder Militao, Toni Kroos (“Real Madrid”). Luismi Kesada (“Kadis”).

17.10 00:00 (Toshkent vaqti) “Xetafe” – “Barselona”

Ushbu bahs turning markaziy uchrashuvi bo'lishi mumkin. Turnir jadvaliga etibor beradigan bo'lsak har ikki jamoa ham bir xil 7 ochkodan to'plagan. Mezbonlar mehmonlarga qaraganda bir o'yin ko'p o'tkazgan va bir maratoba mag'lubiyat alamini totib ko'rgan xolos. Kataloniyaliklarning “Xetafe” maydoniga o'tkazgan so'ngi bahslariga qaraydigan bo'lsak asosan kichik hisoblarda g'alabaga erishgan. Ustiga ustak asosiy darvozaboni jarohatda bo'lgan jamoaga qiyin bo'lishi mumkin.

Jamoalarning jarohatlangan futbolchilari:
Dario Poveda (“Xetafe”). Mark-Andre ter SHtegen, Samuel Umtiti (“Barselona”).

18.10 15:00 (Toshkent vaqti) “Eybar” – “Osasuna”

So'nggi turda ikki jamoa ham g'alabaga erishgan va shu orqali o'z ahvollarini biroz bo'lsada yaxshilab olishgan. “Eybar” 5 o'yinda atigi 1 marta g'alaba erishgan bo'lsa shu g'alaba ham o'tgan turda mehmonda qo'lga kiritildi. “Osasuna” esa hozircha during natija qayd etganicha yo'q (2 g'alaba, 2 durang). Gol urish va o'tkazish bobida ikki jamoa ham maqtana olmaydi (“Eybar” 4-6, “Osasuna” 5-4).

Jamoalarning jarohatlangan futbolchilari:
Pedro Bigas, Serxi Enrik, Pedro Leon, Xose Anxel, Resio (“Eybar”). Darko Brashanats, Aridane Ernandes, CHimi Avila, Roberto Torres (“Osasuna”).

Eng ko'p golli uzatma amalga oshirgan futbolchilar

18.10 17:00 (Toshkent vaqti) “Atletik Bilbao” – “Levante”

Turnir jadvalining quyi o'rinlarini egallab turgan ikki jamoa qarama-qarshiligi. Yuqorida “Xetafe” – “Barselona” bahsini “markaziy o'yin” deb atadik, ammo bu uchrashuv ham undan qolishmaydi. 4 o'yindan so'ng atigi 3 ochko to'plagan jamoalar. Gol urishdan ko'ra o'tkazishni “yoqtirib” qolgan jamoalar o'zaro qanday bashlashadi?! Bir statistikani keltiramiz: o'zaro o'tkazilgan 5 o'yinning 3 tasida bilbaoliklar g'alabaga erishgan bo'lsa, ikkitasida “Levante”. Bu erda ham deyarli tenglik.

Jamoalarning jarohatlangan futbolchilari:
Unay Bensedor, Peru Noalskoayn, Ibay Gomes, Oskar de Markos, Eray Alvares (“Atletik Bilbao”). Oskar Duarte (“Levante”).

18.10 19:00 (Toshkent vaqti) “Vilyarreal” – “Valensiya”

Bu yil o'z darajasini ko'rsata olmayotgan “Valensiya” o'zidan 1 ochko ko'p to'plagan “Vilyarreal”ga qarshi bahs olib boradi 6-turda. Ikki jamoa bu kungacha 5 tadan o'yin o'tkazishdi. Mezbonlar 8 ochko bilan 4-o'rinni egallagan. To'plar nisbati biroz yomonligi sabab “kuchli uchlik”ka kirolmagan. “Valensiya” esa 8-o'rinda, to'par nisbati: 7-7. Jamoalarning o'tgan mavsumdagi o'zaro o'yinlariga qaraydigan bo'lsak bir martadan g'alaba erishganlarini ko'rishimiz mumkin va eng qizig'i ikkisi ham o'z maydonida ushbu g'alabani qo'lga kiritgan.

Jamoalarning jarohatlangan futbolchilari:
Ruben Penya, Alberto Moreno, Francis Koklen, Ramiro Funes Mori, Alfonso Pedrasa (“Vilyarreal”). Denis CHerishev, Gabriel Paulista, Elyakim Mangala (“Valensiya”).

18.10 21:30 (Toshkent vaqti) “Ueska” – “Valyadolid”

Ikki jamoaning bugungi ahvoliga qaraydigan bo'lsak 5 turdan so'ng hali biror marotaba g'alabaga erishishmagan. “Valyadolid” 2 durang, 3 mag'lubiyat bilan so'nggi o'rinda. Maydon egalari “Ueska” esa duranglarni bu mavsumda “sevib qolgan” (4 durang, 1 mag'lubiyat). O'tgan mavsumdagi “Ueska” maydonida bo'lgan bahsda mezbonlar 4:0 hisobida zafar quchishgan edi.

Jamoalarning jarohatlangan futbolchilari:
Pedro Lopes, Kelechi Nvakali, Pablo Insua, Antonio Valera, Pablo Maffeo (“Ueska”). Xoakin Fernandes, Ruben Alkasar, Kiki Olivas (“Valyadolid”).

To'purarlar ro'yxati

18.10 21:30 (Toshkent vaqti) “Alaves” – “Elche”

Turnir jadvalida yonma-yon turgan jamoalarning qarama-qarshiligiga guvoh bo'lamiz. Har ikkisi ham 4 ochkoga ega. Biroq ochko jamg'arish bo'yicha “Elche” yaxshi natija qayd etgan (3 o'yin - 1 g'alaba, 1 durang, 1 mag'lubiyat). “Alaves” o'tgan turni ham o'z maydonida o'tgan turni ham o'z maydonida o'tkazib g'alabaga erishgandi. “Mendisorrosa” stadionida bo'lib o'tadigan bahs murosasiz kechishi aniq.

Jamoalarning jarohatlangan futbolchilari:
Ruben Duarte, Floryan Lejyon (“Alaves”). Migel Garrido (“Elche”).

18.10 00:00 (Toshkent vaqti) “Betis” – “Real Sosedad”

Yana bir qiziqarli bo'lishi kutilayotgan va “kuchli uchlik”da ketayotgan jamoalarning to'qnashuvi. Oradagi farq 1 ochko. Ushbu bahsdagi biror jamoaning g'alabasi va birinchi pog'onadagi “Real”ning mag'lubiyati ikkisidan birini peshqadam qilishi mumkin. Statistikaga nazar solsak so'nggi turda “Betis” mehmonda “Valensiya”ni taslim etgan bo'lsa (0:2), “Real Sosedad” o'z maydonida “Xetafe”ga hech qanday imkoniyat qoldirmadi (3:0). O'tgan mavsumda “Betis” maydonida bo'lib o'tgan o'yinda 3:0 hisobi qayd etilgan. Bu bahsda har ikki jamoani ham faqat va faqat g'alaba qoniqtiradi, ochko yo'qotish esa egallab turgan o'rnini ham o'zgartirishi mumkin.

Jamoalarning jarohatlangan futbolchilari:
Diego Laynes, Sidney, Dani Martin, Klaudio Bravo (“Betis”). Igor Subeldiya, Aser Ilyarramendi, Adnan Yanuzay, Xoseba Saldua, Arits Aranbarri, Luka Sangali, Xon Aldalur (“Real Sosedad”).

Og'abek Samisov tayyorladi