La liga 25-tur. “Real Madrid” - “Las-Palmas”. 6x3

Ushbu uchrashuv ko'pchilik uchun qiziqarli tus olgan bo'lishi tabiiy. CHunki Kataloniyaning “Barselona” klubi turnir jadvalida “Qirollik klubi”ni taqib qilib kelayotgandi. Bir necha turdan beri “Real”ning ishlari yurishmayapti.

Hammasi “Valensiya”ga qarshi chempionatning qoldirilgan 16-tur uchrashuvidan boshlandi. “Mestalya”da bo'lib o'tgan “Valensiya”ga qarshi uchrashuvda “Real Madrid” mag'lubiyat alamini totib ko'rdi. “Ko'rshapalaklar"ning ushbu g'alabasi “Barselona” klubi va muxlislarini quvontirgan bo'lsa ajabmas. Zero “Real”ning ochko yo'qotishi “Barselona”ning ularga yanada yaqinroq bo'lib olishiga xattoki turnir jadvalida peshqadam bo'lib olishga ham turtki beradi.

Kecha “Barselona” chempionatning navbatdagi turida “Sporting Xixon” klubini qabul qildi va raqiblarini (6:1) hisobida yanchib tashladi. Ushbu bahsdan 2 soat o'tib Madridning “Real” klubi o'z uyida “Las-Palmas” klubini qabul qildi. O'yin boshlanishiga ko'p bo'lmasdan “Real Madrid” hisobda oldinga chiqib oldi. Golni esa raqiblar darvozasiga Isko kiritdi. Oradan ko'p vaqt o'tmay raqiblar vaziyatni o'ngladi va katta kuch bilan oldinga o'ta boshladi. Uchrashuvning 70-daqiqasiga kelib “Las-Palmas” 2ta to'p farqi bilan hisobda oldinga o'tib olgandi.

Ushbu bahsni boshqarib borgan hakam David Fernandes Borbalan “Real Madrid” raqiblar darvozasiga kiritgan 6ta goldan 3 tasini inobatga olmadi. Savol tug'ilishi mumkin, uchrashuvdagi inobatga olinmagan 3ta golda ham “Real” futbolchisi o'yindan tashqari holatda edimi?

Isko raqib darvozaboni bilan 1 ga 1vaziyatga chiqib borayotganda bosh hakam Fernando Barbolan o'yindan tashqari holatni qayd etdi.

Bunday holatda muxlis o'z fikrini bildirishi mumkin, jurnalist esa vaziyatni tahlil qilib chiqadi. Qaror esa bosh hakam tomonidan qabul qilib bo'lingan. Uni o'zgartirishga esa hech kimni haqqi yo'q.

“Qirollik klubi” o'z uyida “Las-Palmas”ga qarshi uchrashuvda mag'lubiyatga teng durangni qabul qilib oldi. “Real”ning bunday natija qayd etishi “Barselona”ning musobaqa reytingida peshqadam bo'lib olishiga yordam berdi. “Real Madrid” zaxirasida “Selta”ga qarshi bitta o'yin bor. Ushbu uchrashuvda g'alaba qozonsa ham qolgan o'yinlarda “Real”ning mag'lub bo'lishiga haqqi yo'q. Bundan tashqari “Santyago Bernabeu”da “El-klassiko” “Barselona”ga qarshi bahs ham kutib turibdi.

Jahongir Sotvoldiev