So’nggi yangiliklar

07:00Суперлига. ОКМК 10 киши бўлиб камбек қилди, "Машъал" сўнгги дақиқаларда ғалаба қозонди, "Пахтакор" эса сафарда ютқазди  0 02:53Элит ОЧЛ. Энг яхшилар аниқланди  4 02:44"Машъал" "Бухоро"ни мағлуб этган ўйиндан ФОТОГАЛЕРЕЯ  0 02:37Ла Лига. "Барселона" камбэк эвазига меҳмонда "Вальядолид"ни таслим этди  123 02:31Бундеслига. "Боруссия" ўз уйида "Вольфсбург"ни йирик ҳисобда таслим этди  0 02:00А Серия. "Наполи" ва "Интер" рақибларини минимал ҳисобда мағлуб этди  1 00:49Февзи Давлетов: "Пахтакор" биз кутгандай ўйнади, барча режаларимиз иш берди"  4 23:41РПЛ. "Рубин" меҳмонда "Краснодар"га мағлуб бўлди, Ашурматов захирада қолдирилди  1 23:31Элит ОЧЛ. "Ал Аҳли" финалда "Кавасаки Фронтале"ни мағлуб этиб, чемпионликка эришди!  20 23:09Туркия Суперлигаси. "Галатасарой" "Сивасспор"га қарши ўйинни биринчи бўлимдаёқ ҳал қилди, Турғунбоев захирада қолдирилди  1 23:05Педру Морейра: "Ўзбекистон чемпионати осон эмас. Йигитларим бугунга ўйинда охиригача ҳаракат қилиб, характер кўрсатишди"  25 22:52Миржалол Қосимов: "Яратганга шукр, бизни ҳаракатимизга яраша мукофотлади"  14 22:41Александр Хомяков: "Ҳафсалам пир бўлди"  54 22:38ОПЛ. "Сабаҳ" меҳмонда "Араз" билан дуранг ўйнади, Раҳмоналиев биринчи бўлимнинг ўзида захирада майдонга тушди ва сариқ карточка олди  0 22:34Лига 1. ПСЖ меҳмонда "Страсбур"га мағлуб бўлди  5

KXDR terma jamoasi nima uchun Laosda o'ynamayapti? Yangiliklar

KXDR terma jamoasi nima uchun Laosda o'ynamayapti?

JCH-2026 saralash bosqichining muhim o'yinlari oldidan hech bir detalni ko'zdan qochirib bo'lmayapti.

Endilikda har bir voqeani sinchiklab kuzatib borishga majburmiz. Guruhdagi raqibimiz KXDR (Shimoliy Koreya) terma jamoasining navbatdagi uy uchrashuvini Laosda emas, balki Saudiya Arabistonida o'tkazishi qator gap-so'zlarga sabab bo'lishda davom etmoqda.

Gap aslida KXDRning qaerda o'ynashida emas, gap ularning raqibi kimligida. Shimoliy Koreya shu paytgacha uchta uy uchrashuvini Laos poytaxtida o'tkazdi. Shimolliklar Qatar, Eron va O'zbekiston bilan Laosda kurash olib bordi. Lekin BAA bilan o'yinga kelganda bu jamoa Laosda o'ynamaydigan bo'ldi va undan ko'ra Saudiya Arabistonida joylashgan "Shahzoda Faysal bin Fahd" stadionini tanlandi.

Bizning hayronligimiz nimada? Hamma qatori BAA terma jamoasining Laosga bormasligida. Chunki biz 13 ochko to'plagan bo'lsak, BAA 10 ochko bilan izma-iz taqib qilyapti. BAA bizdan o'zib ketishini xohlamaymiz, shu bois nafaqat o'zimizga, balki raqiblarimizga bog'liq bo'lgan har bir detalga etibor berishga majburmiz. Hammasiga shunchaki ko'z yumib tura olmaymiz.




KXDR - BAA uchrashuvi Laosdan Saudiya Arabistoniga ko'chirilgach, ko'pchilik bunda BAAning qo'li bor, ular o'zlariga oson bo'lishi uchun Shimoliy Koreyani ko'ndirishdi, kerak bo'lsa stadion topib yo'lkira xarajatlarini ham qoplab berishadi deya taxmin qila boshladi. Endi bu faqat gap-so'zlar xolos. Aslida o'yin ko'chirilishining sababi boshqa yoqda ekan.

Gap shundaki, 20 mart kuni Laos ham o'z maydonida o'ynaydi. Shri Lanka terma jamoasi bilan bo'ladigan o'rtoqlik uchrashuvi xuddi shu kunga qo'yilgan. Mamlakat poytaxtida xalqaro darajadagi uchrashuvni qabul qila oladigan stadion bitta shekilli Laos o'z uyida o'ynashini bilgach, KXDR zudlik bilan boshqa variant qidirishga tushdi. Natijada yana bir betaraf maydon sifatida Ar Riyoddagi stadion tanlandi.

Qoidaga ko'ra, terma jamoalarga OFK stadion topib bermaydi. OFK faqat stadionlarni qabul qiladi va o'yin o'tkazsa bo'lishi yoki bo'lmasligini aytadi.  Yani, bu o'rinda OFK Laosga hech qanaqa yordam bermagan. BAA shimolliklarning qulog'iga shu yaqin atrofda yaxshi stadion bor, shu erga kelib o'ynanglar deb shipshitib qo'ygan bo'lishi mumkinmi? Mumkin. Har holda bu vaziyatda har qanday gumon xayolga keladi.

Uy o'yinlarini bir davlatdan boshqasiga ko'chirish yangilik emas. Masalan, "B" guruhidagi Falastin birinchi uy uchrashuvini Malayziyada (Iordaniyaga qarshi), ikkinchi uy uchrashuvini Qatarda (Quvaytga qarshi) va uchinchi uy uchrashuvini Iordaniyada (Janubiy Koreyaga qarshi) o'tkazdi. Uchta uy uchrashuvida uch xil stadiondan foydalandi. Falastin terma jamoasi cheklov va taqiq sabab JCH saralash bahslarini o'z maydonida o'ktaza olmayapti, shu bois har gal stadion qidirishga majbur bo'lmoqda.

OFK nazdida terma jamoalar bunday vaziyatda neytral stadion topsa bo'lgani. Qaysi o'yingohni afzal deb bilish esa mezbon jamoaning o'ziga bog'liq. Yana Shimoliy Koreya mavzusiga qaytamiz. Bu jamoa 20 mart kuni Qatar mehmoni bo'ladi, shundan so'ng Saudiya Arabistoniga parvoz qilib, BAA bilan o'yinga tayyorgarlik ko'radi. Yani bu o'rinda KXDRning nima sababdan Ar Riyodni tanlashiga mantiq bor. Ikkala o'yin orasidagi vaqt besh kun ekanini inobatga olsak, jamoa ortiqcha toliqib qolmasligi uchun ham Saudiya variantini tanlagan desa bo'ladi.

OFK terma jamoalar oldiga "betaraf maydon" talabini qo'ydimi, muhimi o'yin boshqa mamlakatda o'tkazilsa bo'lgani. Bu o'rinda yana bir jihatni keltirib o'tamiz: birinchisi, o'yin raqib jamoa mamlakatidagi stadionlardan birida o'ynalmaydi va ikkinchisi o'yin Osiyodan tashqari o'tkazilmaydi. Yani neytral stadion deganda OFKga azo mamlakatlardan birining o'yingohi bo'lishi shart.




Buning sababi shuki, Falastin terma jamoasi Jazoirda o'ynashni xohladi, Shimoliy Koreya hatto Turkiya variantini tanladi. Lekin OFK bunga ko'ngani yo'q. Jamoalarga OFKga azo davlatlardan birida o'yin bo'lishi kerak deb tushuntirildi. Qolaversa, betaraf maydonda o'ynayotgan jamoalar faqat Shimoliy Koreya bilan Falastin emas. Livan, Suriya, Afg'oniston terma jamoalari ham boshqa stadionlarda uy uchrashuvlarini o'tkazib kelmoqda.

Xullas, shunaqa gaplar. Biz yaxshisi o'z o'yinimiz haqida o'ylay qolaylik. Qolgan to'rtta uchrashuvda ijobiy natija qayd etib, kamida ikkinchi o'rindan pastga tushmasak - marra bizniki. Shunda KXDR terma jamoasining uy uchrashuvini qaerda o'tkazishi-yu, BAA qancha ochko to'plaganining umuman ahamiyati qolmaydi.

X.Xoliqov.

Reyting: -6   

Fikrlar

+3   
19 mar 15:31:19
Зинуp
Энг ёмони Эрон ютказиб бермаса булди Баага
+3   
19 mar 14:39:29
Vatandoshingiz
КИРГИЗИСТОННИ ХАМ ОСОНЛИКЧА ЮТА ОЛМАЙМИЗ
+2   
19 mar 16:08:33
Futbol Uchun
Барибир хам хаммаси ўз қўлимизда БАА рақибларимизга мухлислик қилишдан ва ўзлари ҳам ғалаба қозонишдан бошқа иложи йўқ.
+2   
19 mar 15:30:32
Shavkat Xamzaliyev
Усирокка арпа уни бахона босиб уйнаш керак имкониятимиз бор хар хил хотин чалиш гаплар керакмас эрондан тортиб баагача итариш керак булди жон куйдириб уйнаш керак
+1   
19 mar 16:08:29
Азим Исмаилов
Яна Уша фолбинлик баа нима килса килавермайдими ман нарсага хайронмае
Турнир бошланмасдан хамма асосан жогкуяр журналистар Катар хаммани сотиб олади у килади бу килади миш миш таркатганди нима булди хеч нарса булмади энди хамма Баа у килади Бу килади деб миш миш таркатиляпти
Энг емони кхдр хамма уйинларни уйнаши керак агар уйнамаса 6 очкомиз осмонга учиб кетади шу тугрисидаги уйлаш керак
+1   
19 mar 15:07:38
Ўзбек футболининг муҳлиси
Нимага энди айнан БАА билан ўйинда ўртоқлик учрашуви бўлади, Ўзбекистон ўйнаганда ҳам ФИФА кунлари бўлган ва нега ўшанда ўртоқлик ўйинлари ўтказилмаган? Ёки ўшанда Лаосга рақиб топилмаганми? Қисқаси, агар БАА ютадиган бўлса қандайдир келишув бўлган бўлади?
+1   
19 mar 14:16:34
Адхамжон Низамов
Юкорида Киргизия билан булиб утган уйинлар натижасини курдик.Лекин хозирда киргиз футболи анча усган.Лекин бизни футбол хам усди.Шунинг учун чалгимасдан, ракибни хурмат килган холда, йирикрок хисобда ютишимиз керак.Олга,"Ок, бурилар"
+1   
19 mar 14:03:16
Soccerland777
Ўзбекистон - Қирғизистон (6:2, 3:0, 3:0, 6:0, 4:0, 3:0, 5:0, 3:1, 3:1, 4:1, 3:2)
11 ўйин, 11 ғалаба
тўплар нисбати
42-7
+1   
19 mar 13:58:36
TEMUR
Qoʻlingdan kelsa BAAni yorib tasha qayerda oʻynashsa oʻynashsin keyin
+1   
19 mar 13:52:33
Абдулазиз Кодиров
Олдин киргизистонни ютайлик......
+1   
19 mar 13:48:49
Абдулазиз Кодиров
Лаосдаги стадион зайнитлигини уйин шу учун Саудияга кучирилишини оддий килиб тушунтирса бизани халк тушунади.
+1   
19 mar 13:44:42
nodir sharipov
Sayfuddinovich86 foydalanuvchining fikriga javob berish
Birinchi maqolani yozishdan oldin o‘ylash kerak edi? "Nima uchun?" deb miyadan so‘rash kerak ))) Zo‘r mavzu topdim, biiir PR qilay, hech kimning aqli yetmagan jihat ekan... vhk deb o‘ylovdi, parot bo‘ldi )))
Mana shu kommentda aytilgan gaplarda jon bormi deymanda.
+1   
19 mar 13:22:35
Akmal Qaxorov
Hammasini bilarkansiz vahima qilib nima qilasiz.Biznikilar ortiqcha gap so'zni yig'ishtirib ham Qirg'iz va Eronni yutsin deyarli masala aniq bo'ladi
+1   
19 mar 13:19:52
Sayfuddinovich86
Birinchi maqolani yozishdan oldin o‘ylash kerak edi? "Nima uchun?" deb miyadan so‘rash kerak ))) Zo‘r mavzu topdim, biiir PR qilay, hech kimning aqli yetmagan jihat ekan... vhk deb o‘ylovdi, parot bo‘ldi )))
   
19 mar 22:44:36
{ CHELSEA }
Yana oʻsha mavzuni chaynashni boshlandi...
championat.asia
< so’nggi yangiliklarni ko’rish
Яндекс.Метрика