Klopp: "Salax "CHelsi" bilan uchrashuvda nimanidir ko'rsatishi shart deb o'ylamayman"
24 noy 2017 21:46
Yangiliklar

Klopp: "Salax "CHelsi" bilan uchrashuvda nimanidir ko'rsatishi shart deb o'ylamayman"

"Liverpul" bosh murabbiyi Yurgen Kloppning fikricha, yarim himoyachi Muhammad Salax "CHelsi"ga qarshi bahsda o'zining sobiq klubiga nimanidir isbotlashi shart emas deb hisoblaydi.

Salax 2014 yilning yanvarida "CHelsi" futbolchisiga aylandi, biroq u bir yil ichida London klubining asosiy tarkibidan joy ola bilmadi va "Fiorentina"ga ketdi. Keyinroq "Roma"ga o'tgan Salax joriy mavsum oldidan "Liverpul" safini to'ldirdi.

"Salax yoshligida juda kuchli jamoaga tushib qoldi, bunaqasi tez-tez bo'lib turadi. Kevin De Bryuyneda ham shunga o'xshash voqea sodir bo'lgan va u hozir "Manchester Siti"da yaxshi o'ynamoqda. O'shanda "CHelsi" tarkibiga kirish qiyin edi, ularning hujum chizig'i fantastik edi.

Muhammad yangi imkoniyatdan foydalanib, "Fiorentina"ga o'tdi va hozirgacha katta o'sishga erishdi. U "CHelsi"ga qarshi bahsda nimanidir isbotlashi shart deb o'ylamayman. Agar u "CHelsi"ga ko'nikib ketganida, hozir Salax "Liverpul"da o'ynamagan bo'lardi" - deydi Klopp.

Havola :

Manba : championat.com

Yangiliklarni Telegramda o'qing!

Reyting: +5