Klaudio Raneri: “Kecha mening orzuim sarobga aylandi”

“Kecha mening orzuim sarobga aylandi. O'tgan mavsumda biz APL chempionligini qo'lga kiritgan baxtli onlarda men o'zim uchun suyukli bo'lgan “Lester”da bir umrga qolishni o'ylagandim. Afsuski, bunday bo'lmadi.

“Lester”dagi ish faoliyatim davomida meni doimo qo'llab qo'vvatlab kelgan rafiqam Rozanna va butun oilamga minnatdorchilik bildiraman.

Hammadan ham ko'proq, albatta “Lester”dan minnatdorman. Bizning chempionligimiz men bir umr eslab yuradigan ajoyib sarguzasht bo'ldi, deyish mumkin.

OAV xodimlari va jurnalistlarga ham rahmat deyman. Ular biz futbolda yaratigan ajoyib tarixiy onlarni doimiy tarzda yoritib kelishdi. Muxlislardan ham minnatdorman. Ular birinchi kundanoq o'z yuraklaridan menga joy berishdi va meni sevishdi. Men ham sizlarni sevaman.

Biz erishgan yutuq va natijalarni hech kim, hech qachon bizdan tortib ololmaydi. O'ylaymanki, sizlar bu natijalarni men kabi har kuni quvonch bilan eslab turasizlar. Bu men hech qachon unutmaydigan mo'jizaviy va baxtli damlar edi. Sizlar bilan chempionlikka erishganim men uchun ham quvonch, ham faxrdir”, deya takidladi Raneri.