Klaudio Markizio: “Zenit” akademiyasida talab yuqori darajada”

“Zenit” klubi akademiyasi haqida iliq taassurotdaman. Maktabning talablari meni va o'g'limni qoniqtirmoqda. Futbol infrastrukturasi yuqori darajada faoliyat ko'rsatmoqda. Bu albatta, etishib kelayotgan yosh avlodning professional futbolchi bo'lishiga xizmat qiladi. Bugun akademiya rahbari Anatoliy Davidovich bilan gaplashdim. Uning takidlashicha, bu maktabning asosiy vazifasi nafaqat yulduzlar etishtirib chiqarish, shuningdek, bolalarni yahshi inson qilib tarbiyalash hisoblanadi.  

Davide til bilan muammolarga duch kelmoqdami? Bolalar kattalarga nisbatan tezroq aloqaga kirishishadi. Ayniqsa futbolda, tilning ahamiyati yuqori bo'lmay qoladi. Ikki og'iz so'z, imo-ishora maydonda bir-birini tushunib olish uchun etarli. Bu yoshda o'smirlarga yashil maydon, to'p, butsa bo'lsa bas. Ular o'zaro chiqishib ketishadi. Hattoki, menda ham “Zenit” futbolchilari bilan muloqotda bo'lish katta muammo tug'dirgani yo'q.  

Albatta, ikkinchi farzandimni ham ushbu akademiyaga beraman. Undan avval 2012 yilda tug'ilgan o'g'lim, Leonardo yaqinda borishni boshlagan Sankt-Petkrburgdagi maktabiga moslashib olishi zarur. Hozir unga futbol bilan shug'ullanish uchun biroz erta. Lekin Leonardo futbolni biz kabi yaxshi ko'radi. Buni yaqinda bo'lib o'tgan “Zenit” - “Krasnodar” uchrashuvidagi fikrlaridan bilib olish qiyin emas. Maydonda Artyom Dzyubaga o'xshab harakat qilish kerakligini tushuntirgan o'g'lim deyarli murabbiydek o'zini tutmoqda. Biz oilaviy futbol shaydolarimiz”, - deya Markizioning fikrlarini keltirdi klub rasmiy sayti.