“Killavit” - Yangiariqda tashkil etilgan musobaqa g'olibi

Vaholanki, yurtimizda  “millionlar o'yini” hisoblangan futbolning rivojiga munosib ulushini qo'shib kelayotgan insonlar ko'pchilikni tashkil etadi. Binobarin,  Yangiariq tumanidagi Tagan qishlog'ining Killavit mahallasida yashovchi Bahodir Sobirov ana shular sirasiga kiradi. Asli kasbi shifokor bo'lgan bu inson  2007 yili farzandlari bilan birgalikda mahallasida o'yingoh barpo etib, “Navro'z” futbol klubiga asos soldi. O'z navbatida bu qishloq jamoasi qator yillar viloyat birinchiligida  Yangiariq tumani sharafini munosib himoya qilib, bir necha bor sovrindor  bo'ldi.

Endilikda, “Killavit” o'yingohi taganliklarning sevimli maskaniga aylangan. Bu erda shonli sanalar munosabati bilan tez-tez turli miqyosdagi musobaqalarni o'tkazish anana tusiga kirgan. “Navro'z” futbol klubining tashabbusi va tashkilotchiligida tashkil etilayotgan bunday tadbirlar killavitliklarga olam-olam quvonch ulashayotir. Xususan, O'zbekiston Respublikasi mustaqilligining 24 yilligiga bag'ishlab uyushtirilgan navbatdagi ochiq birinchilik ana shular sirasiga kiradi. “Betakrorimsan, yagonasan, ona Vatanim - O'zbekistonim! shiori ostida tashkil etilgan mazkur turnirda Killavit mahallasi jamoasi futbolchilari g'oliblikni qo'lga kiritdi. SHohsupaning ikkinchi pog'onasini Xorazm viloyati ko'p tarmoqli tibbiyot markazi vakillari egallashdi. Faxrli uchinchi o'rindan respublika mol – xom ashyo birjasi Xorazm filiali jamoasi joy oldi.

Ikrom  XUDOYBERGANOV,