Kiberfutbol. “Championat.asia kubogi” g'olibi “Metallurg” klubi kiberfutbolchisi Qahramon Solihboev

Ushbu musobaqada jami 72 ta kiberfutbolchi ishtirok etdi. Mana shu 72 ta ishtirokchi orasida “shammy” niki bilan turnirda qatnashgan Bekobodning “Metallurg” klubi kiberfutbolchisi Qahramon Solihboev finalga qadar etib bordi va finalda “Bunyodkor” klubi kiberfutbolchisi Muhammadamin Turg'unboev bilan bellashdi.

Musobaqa g'olibini aniqlovchi final bahsida “Metallurg” klubi kiberfutbolchisi Qahramon Solihboev raqibini 3:2 hisobida mag'lubiyatga uchratib “championat.asia kubogi” g'olibi bo'ldi. Birinchi o'rin egasi bosh sovrin playstation 4 va birinchi darajali diplom bilan taqdirlandi. Ikkinchi o'rinni esa “Bunyodkor” klubi kiberfutbolchisi Muhammadamin Turg'unboev egalladi va ikkinchi darajali diplom bilan taqdirlandi. Turnirda uchinchi pog'onani “Qo'qon-1912” klubi kiberfutbolchisi Dilshod Matyakubov egalladi va uchinchi darajali diplom va esdalik sovg'asi bilan taqdirlandi. 

Taqdirlash marosimiga championat.asia sayti bosh muxarriri Nodirxo'ja Yuldashev va Qarshining “Nasaf” klubi va O'zbekiston milliy terma jamoasi darvozaboni Eldor Suyunov tashrif buyurdi. 

SHuning bilan UCFGA Associaciya championat.asia sayti bilan hamkorlikda o'tkazilgan “championat.asia kubogi” nihoyasiga etdi. Turnir tashkilotchilari UCFGA Associaciya prezidenti Azizbek Pattaxovga va championat.asia sayti bosh muxarriri Nodirxo'ja Yuldashevga musobaqa ishtirokchilari o'z minnatdorchiliklarini bildirishdi. Mana shunday turnirlar tez-tez o'tkazilib turish tarafdori ekanligini takidlashdi.

Jahongir Sotvoldiev