Keyn Tuxelga "Bavariya"ga o'tishni istayotganini aytdi. Hujumchining maqsadi ECHLni qo'lga kiritish

"Bavariya" klubi bosh murabbiyi Tomas Tuxel va sport direktori Xasan Salixamidjich London shahriga borishdi. Bu safardan maqsad – ikki o'yinchi, Deklan Rays va Xarri Keyn bilan shartnoma imzolash. 

Bild nashrining yozishicha, "Bavariya" vakillari Keynning uyida uchrashuv o'tkazishgan. Suhbat ajoyib o'tgan va yakunda hujumchi Myunxen klubiga o'tishga rozi bo'lgan.

Keyn bu qarorga kelishiga sovrinlar sabab bo'lgan. Xarri yaqin yillar ichida ECHLni qo'lga kiritmoqchi. Uning so'zlariga ko'ra, bu motivaciya har qanday puldan ustunroq.

Malumot uchun, avvalroq "Bavariya" Keyn uchun 93 mln evro berishga tayyorligi malum qilingandi. Biroq, "Tottenxem" bu taklifni rad etishni maqsad qilgan.