Katanec nega himoyachi o'rniga yarim himoyachi, yarim himoyachi o'rniga esa himoyachini chaqiradi?

Srechko Katanec nega Bo'riev o'rniga himoyachi Hamralievni chaqiradi? Katanec nega Ashurmatov o'rniga yarim himoyachi Xolmatovni chaqiradi? Sababi murabbiy faqat o'z g'oyalarini singdira olgan, yani bir necha bor terma jamoa yig'inlariga chaqirilgan futbolchilar bilan ishlashni yaxshi ko'radi. Markaziy himoyachi Ashurmatov o'rniga aytaylik G'olib G'aybullaev yoki SHahzod Azmiddinov chaqirilishi mumkin edi, ammo Xolmatov Katanec g'oyalarini yaxshiroq biladi. Murabbiy uchun bu eng muhimi.

Masalan, bu mavsum faoliyatidagi eng yaxshi mavsumni o'tkazayotgan Anvar Hojimirzaevni terma jamoaga chaqiruv olishini kutmang. CHunki Katanec u bilan birga ishlamagan va mavsumda 20ta gol ursa ham chaqiruv olmasa kerak deb o'ylayman. Hojimirzaevdan ko'ra, agar terma jamoada kimdir jarohat olsa Aziz Amonovning chaqirilishi haqiqatga yaqinroq. CHunki Katanec Amonov bilan birga ishlagan va uning imkoniyatlarini yaxshi biladi. Aynan shu bois terma jamoamiz etakchilari klubsiz bo'lganida ham doimiy ravishda terma jamoaga chaqiruv olaverishgan.

Bu Katanecni tanqid qilish emas. SHunchaki o'quvchilarga tushuntirish xolos. SHaxsan men uchun terma jamoamiz Jahon chempionatiga chiqsa bo'ldi, qolgani bekor.

Narzulla Saydullaev