Kasyan va Solovyov ikkinchi davrada ham "Navbahor"da qolishadimi?

"Aleksandr Kasyan va Ivan Solovyovga Rossiya hamda mamlakatimizning bir qator etakchi klublaridan takliflar borligi xususida gap-so'zlar yuribdi. Lekin ularning "Navbahor" bilan amaldagi shartnomalari bor. SHunday ekan, legionerlar joriy mavsumning 2-davrasida ham "lochinlar" tarkibida o'ynashadi. SHu bois, muxlislarning legionerlarning "Navbahor"dan ketishlari borasida xavotirlanishlariga hech qanday asos yo'q", - deydi "Navbahor" matbuot kotibi Ulug'bek Umarov championat.asia saytiga.

Malumot uchun, Kasyan birinchi davrada 13ta o'yinda maydonga tushib 9ta gol urdi. Solovyov esa 13ta uchrashuvda 4ta gol urdi va sheriklariga 4ta golli pas berdi.