Kasper SHmeyxel “Old Trafford”da otasi qilmagan ishni qildi
27 avg 2017 00:26
Yangiliklar

Kasper SHmeyxel “Old Trafford”da otasi qilmagan ishni qildi

“Lester” darvozaboni Kasper SHmeyxel APLning 3-turi doirasida “Old Trafford”da “Manchester Yunayted”ga (0:2) qarshi kechgan bahsda penaltini qaytarishga erishdi.

30 yoshli daniyalik posbon bellashuvning 52-daqiqasida Romelu Lukakuning “nuqta”dan yo'llagan zarbasini bartaraf etdi.

Kasper SHmeyxel faoliyati mobaynida APL doirasida “Old Trafford”da ilk bor penaltini golga aylanishiga yo'l qo'ymadi. Uning otasi, afsonaviy darvozabon Petr SHmeyxel esa 1991 yildan 1999 yilgacha “MYU” tarkibida to'p tepib, APL doirasida aynan ushbu stadionda o'tgan bellashuvlarda biror marotaba ham penalti yo'lga g'ov bo'la olmagan.

Yana shuni qo'shimcha qilish joizki, kichik SHmeyxel “Lester” tarkibida barcha turnirlarda o'z darvozasiga belgilangan beshta penaltining uchtasini muvaffaqiyatli bartaraf etishga erishgan.

Havola :

Manba : Opta Sports

Yangiliklarni Telegramda o'qing!

Reyting: +16