Каспер Шмейхель “Олд Траффорд”да отаси қилмаган ишни қилди
27 авг 2017 00:26
Янгиликлар

Каспер Шмейхель “Олд Траффорд”да отаси қилмаган ишни қилди

“Лестер” дарвозабони Каспер Шмейхель АПЛнинг 3-тури доирасида “Олд Траффорд”да “Манчестер Юнайтед”га (0:2) қарши кечган баҳсда пеналтини қайтаришга эришди.

30 ёшли даниялик посбон беллашувнинг 52-дақиқасида Ромелу Лукакунинг “нуқта”дан йўллаган зарбасини бартараф этди.

Каспер Шмейхель фаолияти мобайнида АПЛ доирасида “Олд Траффорд”да илк бор пеналтини голга айланишига йўл қўймади. Унинг отаси, афсонавий дарвозабон Петр Шмейхель эса 1991 йилдан 1999 йилгача “МЮ” таркибида тўп тепиб, АПЛ доирасида айнан ушбу стадионда ўтган беллашувларда бирор маротаба ҳам пеналти йўлга ғов бўла олмаган.

Яна шуни қўшимча қилиш жоизки, кичик Шмейхель “Лестер” таркибида барча турнирларда ўз дарвозасига белгиланган бешта пеналтининг учтасини муваффақиятли бартараф этишга эришган.

Ҳавола :

Манба : Opta Sports

Янгиликларни Телеграмда ўқинг!

Рейтинг: +16