Karlush Keyrush: "Saudiya Arabistoni, O'zbekiston, Xitoy, Iroq va Eron bir xil darajada"

Uning ikkinchi qismida Eron ustozi Karlush Keyrush va jamoa sardori Masud SHojayi qatnashdi.

"Ertaga Iroq bilan o'ynaymiz. Bu men uchun Yaman va Vetnamga qarshi o'yinlarga o'xshagan oddiy bahs. Balki OAV uchun boshqachadir. Ammo maqsadimiz ertaga muxlislarga yoqadigan va chiroyli o'yin namoyish etish", - deb gap boshladi Keyrush.

Meni tanqid qilganlarni yaxshi ko'raman. To'g'ri tanqidlarni albatta qabul qilaman va xulosa chiqaraman.

Osiyo Kubogini yutish uchun 4 davogardan birimiz? Bunga qo'shilmayman. To'g'ri Avstraliya, Janubiy Koreya va Yaponiya sovrin uchun kurashadigan jamoalar. Biroq bularga tenglashish uchun ko'p mehnat qilish kerak. Saudiya Arabistoni, O'zbekiston, Xitoy, Iroq va biz shunga yaqinmiz. Yani yuqoridagi 3ta jamoa chempionlikka harakat qilsa, yana 6ta jamoa kamida yarim finalga chiqishni istaydi.

Yigitlarim ertangi bahsga tayyor. Qarshimizdagi raqibni doim hurmat qilamiz. U Iroq bo'ladimi yoki Argentina buning farqi yo'q. Iroq texnik tomonlama chiroyli o'yin ko'rsatadi.

2015 yil Iroqqa mag'lub bo'lgandik? To'g'ri o'shanda yutqazgandik. Mazkur bahsni mister Ben Uilyams boshqarib borgandi. Unga salom yo'llab qolaman. Yaxshi ham ertangi bahsda u ishlamaydi. Tarixni unutish kerak. Ertaga yangi o'yin va yangi tarix. Futbolchilar, murabbiylar, hakamlar va qolgan insonlar uchrashuvga tayyor bo'lishlari lozim.

Osiyo Kubogi juda ham qiyin musobaqa. Finalga qadar yo'l juda uzoq. Mashina haydasangiz uzoqda nima borligini ko'ra olmaysiz, faqat ancha yo'l yurgandan so'ng o'sha narsa ko'rina boshlaydi," - deydi Eron bosh murabbiyi.  

"Iroqqa qarshi juda ham qiyin bahs bo'lishini kutayapman. 2015 yilgi Osiyo Kubogida Iroqqa yutqazib qo'ygandik. O'sha uchrashuvni eslayman. Juda shiddatli bahs bo'lgandi. Bunday uchrashuvlar taqdirini odatda mayda detallar hal qiladi. 4 yil avval shunday bo'lgandi ham", - deydi Masud SHojayi.

Narzulla Saydullaev yozib oldi