Jon MakGinn: "Ajoyib hafta!"

Ushbu bahsdagi g'alaba goli muallifi Jon MakGinn fikrlarini bildirdi.

"Biz uchun ajoyib hafta! Bugun zo'r o'yin ko'rsata olmadik, biroq bu hozir muhokamasiz qolsin. Ikkinchi bo'limda biz xarakter ko'rsatishimiz kerak edi va shunday qila oldik. "Arsenal" istalgan vaziyatda gol urib, g'alaba qozonib ketishi mumkin bo'lgan jamoa. Ular so'nggi daqiqalarda ko'p marta gol urishgan, shu sababli so'nggi soniyaga qadar etiborni yo'qotmasligimiz kerak edi. Bugun chorshanba kunidagi kabi o'yin ko'rsata olmadik, ammo o'sha kabi natijaga erishdik", - dedi Makginn.

"Aston Villa" APLda navbatdagi uchrashuvini "Brentford" maydonida o'tkazadi. Jamoa o'tgan turda "Manchester Siti"ni mag'lub etgandi.