JCH saralashdagi raqibimiz o'rtoqlik uchrashuvida g'alaba qozondi
19 jan 2021 16:06
Yangiliklar

JCH saralashdagi raqibimiz o'rtoqlik uchrashuvida g'alaba qozondi

Teglar : JCH-2022 saralash Falastin

Jahon chempionatiga saralash bosqichida biz bilan bitta guruhdan joy olgan Falastin nazorat o'yini o'tkazdi.

Quvayt terma jamoasi bilan kechgan o'rtoqlik uchrashuvida Falastin MTJ 1:0 hisobida g'alabaga erishdi. Sameh Maraaba tomonidan kiritilgan gol falastinliklarga g'alaba keltirdi.

Mazkur bellashuv Quvayt terma jamoasi bosh murabbiyi Andres Karrasko uchun yangi ish joyidagi ilk uchrashuv bo'ldi. Quvaytliklar ertaga yana maydonga tushishadi. Bu safar Iroq termasiga qarshi nazorat bahsi o'tkaziladi.

Eslatib o'tamiz, Falastin termasi JCH-2022 saralash bosqichining "D" guruhida kurash olib bormoqda. Bu jamoa shu paytgacha 5ta o'yin o'tkazib, 4 ochko jamg'argan holda oxirgi o'rinda boryapti.

Esingizda bo'lsa, aynan Falastindan uchralgan mag'lubiyatdan so'ng O'zbekiston terma jamoasining avvalgi bosh murabbiyi Ektor Kuper istefoga chiqarilgandi.