JCH-2018. Franciya - Belgiya uchrashuvi chiptalari yarim narxiga sotilmoqda. Nega?

Sankt-Peterburg shahrida Franciya va Belgiya terma jamoalari to'qnash kelishadi. Erta tongdan shaharda futbol havosi kezib yuribdi. Franciya va belgiyalik ko'plab muxlislar bayramni boshlab yuborishgan.

Etiborlisi ayni paytda shahardagi "Nevskiy prospekti"da Braziliya, Argentina va meksikalik ko'plab muxlislarni uchratish mumkin. Ular nima qilishayapti deysizmi? Bu muxlislar o'z sevimli jamoalari shu bosqichga etib kelishiga ishonib, ancha oldin o'yin chiptalarini xarid qilishgan va endi neytral uchrashuvga kirishni istamay chiptalarni sotishga urinishmoqda.

Jumladan 1-kategoriyalik chipta kassadagi narxi 750 dollar, muxlislar 400 dollardan sotishmoqda. 2-kategoriya 300 va 3-kategoriyalik chiptalarni esa 200 dollardan sotishga harakat qilishmoqda.  

Undan tashqari kassalarda xatto eng qimmat, 1-kategoriyalik chiptalar bemalol sotilmoqda.

Eslatib o'tamiz, Franciya - Belgiya uchrashuvi g'olibi finalga chiqadi.