Javohir Sohibov: "Hali Superligada qolish vazifasini bajara olmadik"

Termizliklar “So'g'diyona”ga qarshi bahsda kichik 1:0 hisobida g'alaba qozonib, turnir jadvalidagi holatini yaxshilab oldi. Bu g'alabadan keyin “Surxon” turnir jadvalida 23 ochko bilan 11-o'ringa ko'tarildi. Xo'sh, jamoa Superligada qolish vazifasining uddasidan chiqa oldimi? Buni bilish istagida "Surxon" etakchi futbolchisi Javohir Sohibov fikrlariga quloq tutdik. 

- "So'g'diyona"ga qarshi bahs ko'proq qaysi jihatlari bilan yodda qoldi?

- Juda qiyin o'yin bo'ldi. CHunki "So'g'diyona" o'z maydonida yaxshi o'yin ko'rsatadi, oxirigacha kurashadi. Biz esa o'zimiz uchun muhim bo'lgan g'alabani qo'lga kiritdik. Katta ishtiyoq evaziga erishdik. CHunki jamoamizga uch ochko juda zarur edi. 

- Nima deb o'ylaysiz, bu jamoani Cuperligada qolishini anglatadimi?

- Yo'q, albatta. CHunki biz hali vazifani bajara olmadik. Bizni oldinda yanadan qiyin bellashuvlar kutib turibdi. Aynan shu bellashuvlarda ijobiy natijalar qayd etishimiz kerak.

- Jamoangizning qolgan 4 ta bahsi haqida fikringiz qanday?

- Juda qiyin bahslar kutib turibdi. Ko'rib turibsiz, Superligada birorta o'yin oson kechmayapti. Har bir o'yinni o'ziga yarasha qiyinchiliklari bor. Ishonamanki, biz oldimizda turgan bahslarda ijobiy natija qayd eta olamiz. 

-  Ispaniyalik mutaxassislar jamoani qanchalik o'zgartira olishdi?

-  Ancha yaxshi tomonga o'zgartira oldi. Jamoamiz o'yindan-o'yinga yaxshilanmoqda. Evropacha uslubni qo'llashga intilishmoqda. Bu esa o'z samarasini beryapti.

- Bu yil Superligada kim chempion bo'ladi, deb o'ylaysiz?

- To'g'risi, buni oldindan ayta olmayman. CHunki g'oliblik uchun "Nasaf", "Navbahor" va "Paxtakor" kurashmoqda. Kim kuchli bo'lsa, o'sha chempionlikni tantana qiladi.