Jasur Abduraimov: "Uchrashuv asabiy ruhda kechdi"

- O'yin bo'yicha nima deyishim mumkin? Uchrashuv juda asabiy ruhda kechdi. Bugungi futbolni kino janridagi trillerga qiyoslash mumkin. O'yin biz uchun juda yaxshi tugadi. Har ikkala jamoada etarlicha imkoniyatlar bo'ldi. Biz o'z vaziyatlarimizdan paytida foydalanganimizda, masala bu qadar cho'zilib ketmasdi.

Himoyadagi ikkita qo'pol xato gol bilan yakunlandi. Hozirgi vaziyatimizdan kelib chiqib aytadigan bo'lsam, ruhiy taraflama bizga juda qiyin bo'layotgandi.

Futbolchilarga rahmat. Ular bugun kerakli paytda o'zlarini qo'lga olishdi va xarakter ko'rsatishdi. Muhim g'alabaga erishganimizdan xursandmiz.

Nega har o'yindan keyin futbolchilarga harakatlari uchun rahmat deyapman? CHunki zaxiramiz juda tor. Deyarli bir tarkib butun mavsumni to'liq o'tkazmoqda. Bu ularni ruhan toliqtirib qo'yadi.