Jamshid Saidov: "Hakam to'rt daqiqa qo'shib berdi, lekin biz 10 daqiqa o'ynadik"

"O'yin haqida nima deyishim mumkin? Birinchi o'rinda futbolchilarimga minnatdorchilik bildiraman. Ular bugun haqiqiy harakter ko'rsata olishdi. Afsuski, oxirgi daqiqalarda gol o'tkazib g'alabani qo'ldan chiqardik. Oldimizga qo'yilgan vazifani bajarishda davom etamiz.

Biz bugun himoyada o'ynadik, qarshi hujumlardan foydalanishga harakat qildik. Boshqa izohga hojat yo'q.

Jamoamizda moliyaviy muammolar bor. SHu bois yangi futbolchilarni ro'yxatdan o'tkaza olmayapmiz. Umid qilamanki tez orada muammolar bartaraf etiladi.

Stadionimiz tayyor emasligi sabab ikkinchi davrada "Paxtakor" bilan Toshkentda o'ynashimiz mumkin. Bizga farqi yo'q, har qanday holatda ham neytral maydonda o'ynaymiz.

Himoyachi tushganidan keyin hech qanday sarosima bo'lmadi. Hakamlarni ishini baholaydigan insonlar bor. Penalti bor yo'qligi haqida biror narsa deya olmayman. Hakam to'rt daqiqa qo'shib berdi, biz esa 10 daqiqa o'ynadik. Himoyachilar, qolgan chiziq vakillari hisobni ushlab qolish uchun harakat qilishdi. Sarosima bo'lmadi deb o'ylayman", - deydi Jamshid Saidov.