Jamshid Saidov: "Bugungi natija uchun men javobgarman. Qaerdadir xatoga yo'l qo'ydim"

- O'yin haqida

- O'yinni yaxshi boshladik, ammo 11-daqiqadan so'ng jamoam maydonda emas edi, 4ta gol o'tkazib yubordik. Keyinchalik esa o'zimizga kelib oldik. Bugun bir nima etishmadi. Futbolchilarim bugun ishtiyoqsiz maydonga tushgandek. Uyg'onganimizda esa, natijani o'nglash uchun kech edi. Bu mening, yani bosh murabbiyning aybi. Qaerdadir xato qilgan bo'lsam kerak.

- Faoliyatingizda bunday voqeiylik bo'lganmi? 20-daqiqa qadar 4ta gol o'tkazib yuborish.

- So'nggi uchrashuvlarda ko'p gol o'tkazib yubormayotgandik. Birinchi davrada "Olimpik"ga qarshi o'yinda 3ta gol o'tkazib yuborgandik. "Olimpik" 12 daqiqa ichida 3ta gol urgandi. Bunday voqeiylik birinchi marotaba ro'y berdi. Xatolarimizni aniqlab, ular ustida ishlashimiz kerak.

- Jamoangiz o'tkazib yuborgan gollarda darvozabonning aybi yo'qdek ko'rindi. Darvozabonni 4ta gol o'tkazib yuborgani yoki ruhiy bosim bo'lgani uchun o'zgartirdingizmi?

- Birinchi gol darvozabonning xatosi edi. O'tkazib yuborgan 3ta golimizda darvozabon aybdor deb o'ylayman. 3-4ta gol o'tkazib yuborilgandan so'ng darvozabonni almashtirish kerak deb o'ylayman. Sababi darvozabon ruhiy tomonlama o'yinga tayyor bo'lmagan bo'ladi. Darvozabonimiz bugun ishonchsiz o'yin namoyish etdi va shu sababli uni zaxiraga oldim. 4-0 hisobidan so'ng faqatgina "oldinga tep va kurash" uslubini qo'llash imkoni bor edi. Ko'proq gol urish uchun etarli vaziyatlarga ega bo'ldik.

- Tanaffusda futbolchilaringizga nima dedingiz?

- Har bir murabbiyning o'z uslubi bor. Murabbiylar asosan tanaffusda futbolchilarga motivaciya beradi va yaxshiroq o'ynashga undaydi. Bu futbol va futbolda bunday natijalar uchrab turadi. Birinchi gol o'yinda burilish yasadi deb o'ylayman. Birinchi goldan so'ng jamoam o'ziga kela olmadi. Qaerdadir xato qildim. O'yin boshqa kunga qoldirilgani ham tasir qilgan bo'lishi mumkin, ammo hozir qandaydir sabablar va bahonalar izlash noto'g'ri. Ayb menda va bugungi mag'lubiyatga javobgar menman.