"Jamoa Pro ligaga tushib ketganda ko'p yoshlar ko'chada qolib ketgandi. Fuzaylovga faqat omad tilayman" yoxud "Buxoro" futbolchisi uchun keyingi manzil qaer?

Jamoani yarim himoyachi Bekzod Saidov (rasmda 19-raqam – tahr.) tark etdi. Uning keyingi rejalari bilan qiziqdik. 

- "Buxoro"ni tark etishingiz sababi nimada? Jarohat yoki boshqa omillarmi?

- O'yin amaliyoti etarli bo'lmadi. Bor gap shu. 

- Jamoa elitaga qaytdi. 2020 yil "Buxoro"ni Pro ligaga tushib ketishi yosh o'yinchilarga qay darajada salbiy tasir qildi?

- Ko'p yosh futbolchilar ko'chada qolib ketdi. Yangi mavsumda etibor yanada yaxshi bo'ladi, deb o'ylayman. 

- Superligaga qaytishda nima ko'proq rol o'ynadi?

- Yaxshi tarkib yig'ilgandi va ichki muhit alo darajada edi. Barcha futbolchilar maydonga jonini berdi. 

- Hakim Fuzaylov haqida fikringiz qanday? Murabbiy bilan gaplashib oldingizmi?

- Albatta, u kishi bilan gaplashib olganman. Hakim Qayumovich yaxshi murabbiy, ikki yil ichida ikkita jamoani Superligaga olib chiqdi. Yangi mavsumda faqat omad tilayman. 

- Bekzod Saidov uchun navbatdagi manzil qaysi jamoa bo'ladi?

- 1-2 ta jamoalardan takliflar bor. Hozircha sir saqlaganim maqul. Balki Pro liga yoki Superligada o'ynashim mumkin. Buni vaqt ko'rsatadi.