Izzatilla Abdullaev: “G'alaba qozonish maqsadimiz edi”

Mavsum davomida o'zining gollari va mazmunli o'yinlari bilan jizzaxlik futbol muhlislarini yoqimtoyiga aylagan Izzatilla Abdullaev “Metallurg”ga qarshi bahsning eng yaxshi futbolchisiga aylandi. O'yinni bevosita stadiondan kuzatgan ishqibozlar ko'plab driblinglarni va zarbalarni amalga oshira olgan Abdullaevga yuqori baho berishdi. Uchrashuvda u dubl qayd etdi va jamoaning g'alabasiga munosib hissa qo'shdi. O'yindan so'ng hujumchi o'z fikrlarini bildirib o'tdi.

- Bahs qiyin bo'ldi. O'z maydonimizdagi har bir o'yinda g'alaba qozonish bizga katta kuch va ishonch beradi. “Metallurg” ga qarshi bahsga yaxshi tayyorgarlik ko'rgan edik va yaxshi natija ko'rsata oldik. Gollarim  bilan jamoaning g'alabasiga hissa qo'shganimdan xursandman. Barcha jamoadoshlarimga rahmat. Murabbiyim menga ishonch bildirayaptimi? Men uni oqlashim zarur. Bahoni esa muhlislar berishadi. Mavsum yakunlanmoqda. Yana 5 ta o'yin qoldi. Kerakli ochkolarni yig'ib mavsumni yakunda yaxshi natijaga erishib yuqoriroq o'rinlardan birini egallaymiz degan umiddaman.Bizni mavsum davomida qo'llab- quvvatlab kelayotgan muhlislarimizga rahmat - deydi “So'g'diyona”ning yosh umidli hujumchisi.

“So'g'diyona” matbuot xizmati