Isroil Ergashev, Ayubxon Gapparov va SHohjahon Abbosov “Xotira-79”da
12 avg 2015 12:04
Yangiliklar
Isroil Ergashev, Ayubxon Gapparov va SHohjahon Abbosov “Xotira-79”da
Jamoa rasmiylarining aytishicha, birinchi bosqich davomida “Xotira-79” sharafini himoya qilgan Abdulaziz Sultonov, Abdurazzoq Jo'raev, G'ayrat Jo'raev va Botir To'raboev singari etakchi futbolchilar jamoa lagerini tark etgan. Tarkibga yangi kelib qo'shilgan futbolchilar haqida to'xtaladigan bo'lsak, o'z vaqtida “Olmaliq” sharafini himoya qilgan va birinchi bosqichni Toshkentning “Lokomotiv-BFK” jamoasida o'tkazgan iqtidorli futbolchi Isroil Ergashev va muxlislarga “Rubin”dagi faoliyati orqali yaxshi tanish bo'lib ulgurgan Ayubxon Gapparov ayni damda uychilikla bilan birga ekanligini aytish lozim. Gapparov bungacha Qirg'iziston chempionatida faoliyat olib borayotgandi. Aftidan namanganlik futbolchi uyiga yaqin bo'lgan joyda o'ynashni istagan ko'rinadi. SHuningdek ulardan tashqari SHoxjahon Abbosovni ham “Xotira-79”ga o'tganini etirof etish lozim. “Mashal” futbol klubi tarbiyalanuvchisi bo'lgan Abbosov endilikda Uychi jamoasi sharafini himoya qiladigan bo'ldi.
Darvoqe, yil boshida jamoa boshqaruv postiga kelgan Tohir Madrahimov istefoga chiqqan. Ayni damda Durbek Umaraliev o'ynovchi-murabbiy sifatida ishlamoqda. Aytish kerakki, Umaraliev yaqindagina “S” murabbiylik licenziyasini qo'lga kiritdi. SHuningdek unga SHavkat Ahmedov yaqindan assisentlik qiladi.
Fikrlar