Evropa chempioni "Arsenal"da tibbiy ko'rikdan o'tdi. London klubi tez orada shov-shuvli transferni elon qiladi

Insayder Fabricio Romanoning xabariga ko'ra, 28 yoshli ispan Londonga keldi va tibbiy ko'rikdan o'tdi. Klublar ayni damda transferni amalga oshirish uchun hujjatlarni almashishmoqda. "Kanonirlar" o'yinchi uchun 32 million evro to'laydi va bonuslar sifatida 5 million ko'zda tutilgan. Xavbek bir yilga uzaytirish imkoniyati bilan 4 yillik shartnoma imzolaydi.

Merino o'tgan mavsum 45ta o'yinda maydonga tushib, 8ta gol va 5ta assist qayd etdi. U Ispaniya terma jamoasi bilan Evro-2024 g'olibi bo'ldi. Transfermarkt portali o'yinchini 50 million evroga baholamoqda.