Европа чемпиони "Арсенал"да тиббий кўрикдан ўтди. Лондон клуби тез орада шов-шувли трансферни эълон қилади
25 авг 2024 11:27
Янгиликлар

Европа чемпиони "Арсенал"да тиббий кўрикдан ўтди. Лондон клуби тез орада шов-шувли трансферни эълон қилади

"Реал Сосьедад" ярим ҳимоячиси Микель Мерино фаолиятини "Арсенал"да давом эттиради.

Инсайдер Фабрицио Романонинг хабарига кўра, 28 ёшли испан Лондонга келди ва тиббий кўрикдан ўтди. Клублар айни дамда трансферни амалга ошириш учун ҳужжатларни алмашишмоқда. "Канонирлар" ўйинчи учун 32 миллион евро тўлайди ва бонуслар сифатида 5 миллион кўзда тутилган. Хавбек бир йилга узайтириш имконияти билан 4 йиллик шартнома имзолайди.

Мерино ўтган мавсум 45та ўйинда майдонга тушиб, 8та гол ва 5та ассист қайд этди. У Испания терма жамоаси билан Евро-2024 ғолиби бўлди. Transfermarkt портали ўйинчини 50 миллион еврога баҳоламоқда.