Islom Ismoilov: "Xitoy yutishimiz kerak bo'lgan jamoalardan biri edi"

"Tabrik uchun rahmat. Ammo, hali rasman chiqmadik. Saudiya Arabistoni va Tailand o'rtasidagi o'yinni kutib turamiz. Katta ehtimol bilan chiqdik deb o'ylaymiz. 

Xitoy yutishimiz kerak bo'lgan jamoalardan biri edi. 

Futbolchilarga ortiqcha bosim bermaslik uchun uch kun davomida ular bilan suhbatlar olib bordik. Baribir JCHga yo'llanma olish vazifasi turgani uchun emociyalar bo'ladi. 

Muxlislar va rahbariyatning ishonchini oqlaganimizdan xursandmiz.

Birinchi bo'limda qarshi hujum sabab to'p o'tkazib yubordik. Tanaffusda yigitlarga o'yinimiz yaxshi o'tayotgani aytdik, faqatgina ruhiyatni ko'tarishga harakat qildik. 60-daqiqalardan so'ng Xitoyning o'tish fazalarida muammolar bo'lishini o'rganib chiqqandik. Kutganimizdek, Xitoy shu daqiqalardan so'ng toliqishni boshladi va biz o'z imkoniyatimizdan foydalandik.

Keyingi o'yinda ham g'alaba qozonishga harakat qilamiz. Biz kuch tejamoqchi emasmiz", — dedi Islom Ismoilov.